Raku Śvisłač u Minsku časova «pierazapuskajuć» pa pryčynie budaŭnictva treciaj linii mietro. Raboty źviazanyja z uźviadzieńniem novych stancyj, jakija płanujuć adkryć da 2028 hoda, paviedamlaje telekanał ANT.
Padčas budaŭnictva mietrabudaŭniki vymušanyja pracavać nižej za ŭzrovień vady, tamu ŭźnikajuć techničnyja składanaści. Kab ich vyrašyć, stvarajuć śpiecyjalnuju achoŭnuju kanstrukcyju, jakaja dazvalaje izalavać častku raki.
Praces vyhladaje tak: spačatku adnu častku raki časova pierakryvajuć i adpampoŭvajuć ź jaje vadu. Paśla hetaha na dnie pravodziać nieabchodnyja raboty — prybirajuć lišni hrunt, umacoŭvajuć rečyšča i zalivajuć bietonnuju asnovu. Potym vadu viartajuć, a paśla takim ža čynam pracujuć z druhoj častkaj.
Mienavita heta i nazyvajuć «pierazapuskam» raki — jaje płyń časova źmianiajuć, kab možna było biaśpiečna vieści budaŭnictva.
Havorka idzie nie pra ekałahičnyja źmieny, a pra techničnaje rašeńnie, nieabchodnaje dla ŭźviadzieńnia mietro ŭ składanych umovach.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
A słenhu takoha i niama. Častka, frahmient frazy, jaki asobna ad kantekstu hučyć absurdna.
Puściać, pieranakirujuć ŭ inšaje rečyšča, paśla pierazapuściać vadu ŭ pieršapačatkovaje. Zvyčajny praces u hidratechničnych pracach, kali budujuć masty abo jak zaraz.
Jakija "ekałahičnyja źmieny"? Pra ich i havorki niama, usie kazurki, hałavaściki i rybki, jakija tam žyli, buduć zalityja bietonam.