Byłaja vice-prezidentka ZŠA 61‑hadovaja Kamała Charrys zajaviła, što razhladaje mahčymaść svajho ŭdziełu ŭ prezidenckich vybarach 2028 hoda. Pra heta jana skazała padčas vystupu na kanfierencyi ŭ Ńju-Jorku, paviedamlaje Reuters.
«Ja mahła b. Mahła b. Ja dumaju pra heta. Ja čatyry hady była za adzin krok ad prezidenctva. Ja viedaju, što heta za praca. I ja viedaju, čaho jana patrabuje», — zajaviła Charys.
Kamała Charys užo maje dośvied udziełu ŭ prezidenckaj honcy. U 2024 hodzie jana była kandydatkaj ad Demakratyčnaj partyi, ale vybary vyjhraŭ Donald Tramp, jaki pačaŭ svoj druhi prezidencki termin u 2025 hodzie. Jašče raniej, u 2019 hodzie, jana taksama sprabavała stać kandydatkaj ad demakrataŭ, ale źniała svaju kandydaturu padčas pieradvybarčaj kampanii.
Z 2021 hoda Charys zajmała pasadu vice-prezidentki ŭ administracyi Džo Bajdena. Na hetaj pasadzie jana była adnoj z klučavych fihur u amierykanskaj palitycy i zajmałasia jak unutranymi, tak i źniešnimi pytańniami.
Raniej Charys užo namiakała na svoj mahčymy ŭdzieł u nastupnych vybarach. U kancy 2025 hoda ŭ intervju Bi-bi-si jana skazała: «Ja jašče nie skončyła». Z taho času jana vypuściła aŭtabijahrafičnuju knihu pra svaju kampaniju, praviała knižny tur i ŭ hetym miesiacy vystupaje na mierapryjemstvach Demakratyčnaj partyi ŭ čatyroch paŭdniovych štatach, paviedamlaje CNN.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary