U Vienhryi «asvoili» jeŭrapiejskija paŭtara miljona dalaraŭ, pabudavaŭšy aŭtaraźviazku kala čyhunki, jakoj nie isnuje
U vienhierskim horadzie Załaehiersieh jość novaja kalcavaja darožnaja raźviazka prykładna za 1,5 miljona dalaraŭ, pabudavanaja za košt srodkaŭ Jeŭrasajuza. Jana pavinna była stać častkaj bujnoha łahistyčnaha prajekta — absłuhoŭvać budučy čyhunačny maršrut i kantejnierny terminał, a na spravie staić bieź nijakaha vykarystańnia, piša telekanał CNN.
Płanavałasia, što hetaja infrastruktura dapamoža chutčej pieravozić hruzy z Adryjatyčnaha mora praz zachodniuju Vienhryju ŭ inšyja krainy Centralnaj Jeŭropy. Adnak prajekt akazaŭsia niezavieršanym: sama čyhunka, dziela jakoj i budavali raźviazku, dahetul nie isnuje.
U vyniku abjekt staić faktyčna pasiarod pola i nie vykarystoŭvajecca. Pavodle apošniaj infarmacyi, budaŭnictva čyhunki jašče navat nie pačałosia i moža zaciahnucca da 2029 hoda.
Hetaja historyja stała prykładam ekanamičnaj palityki ŭrada Vienhryi, jakaja mocna krytykujecca. Apazicyja i ekśpierty śćviardžajuć, što ŭ krainie niaredka realizujucca prajekty za jeŭrapiejskija hrošy biez naležnaha płanavańnia abo z sumnieŭnaj karyściu. Takija abjekty nazyvajuć «biełymi słanami» — darahimi, ale praktyčna bieskarysnymi.
Padobnych vypadkaŭ, pavodle krytykaŭ, u Vienhryi šmat: ad niedabudavanych abjektaŭ da prajektaŭ, jakija nie vykonvajuć svajoj funkcyi. Pry hetym značnaja častka finansavańnia pastupała ź Jeŭrasajuza, jaki padtrymlivaje mienš raźvityja krainy-členy, kab skaracić ekanamičny razryŭ z Zachadam. Viktar Orban ža byŭ viadomy tym, što ŭmieŭ dobra zdabyvać dla krainy jeŭrapiejskija hrošy i ich asvojvać, i ŭ toj ža čas nie iści ŭ farvatary jeŭrapiejskaj palityki pa mnohich pryncypovych pytańniach.
Pry hetym situacyja ŭskładniajecca tym, što Jeŭrasajuz apošnim časam pačaŭ zatrymlivać častku finansavaj dapamohi Vienhryi z-za pretenzij da viaršenstva prava, niezaležnaści sudovaj sistemy i mahčymych karupcyjnych schiem. Havorka idzie pra dziasiatki miljardaŭ jeŭra, jakija pakul nie pastupili ŭ krainu.
Na hetym fonie tema vykarystańnia jeŭrapiejskich srodkaŭ stała važnaj unutrypalityčnaj prablemaj, asabliva napiaredadni vybaraŭ. Apazicyja abvinavačvaje ŭłady ŭ nieefiektyŭnym kiravańni i vykarystańni biudžetnych srodkaŭ, u toj čas jak urad admaŭlaje ŭsie abvinavačańni i śćviardžaje, što prajekty majuć doŭhaterminovuju pierśpiektyvu.
Tramp paabiacaŭ Vienhryi roskvit, kali va ŭładzie zastaniecca Orban
Samaja dziŭnaja vybarčaja sistema ŭ śviecie. Piać nievidavočnych rečaŭ, jakija važna viedać pra vybary ŭ Vienhryi
Vienhryja i Rasija ŭ kancy minułaha hoda ŭzhadnili 12 punktaŭ dalejšaha zbližeńnia
«Lublu Vienhryju i Viktara». Na mitynhu ŭ padtrymku Orbana ŭ Budapiešcie Vens uklučyŭ žyvuju suviaź z Trampam
U Budapiešt dla ratavańnia Orbana pierad samymi vybarami pryjechaŭ Džej Dzi Vens
Orban u razmovie z Pucinym paraŭnaŭ siabie z myšaniom, što dapamahaje Pucinu, lvu
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca3
Kamientary