Maskvu na śvitanku atakavali bieśpiłotniki: paškodžany budynak pobač ź Minabarony RF
Rasijskija ŚMI i telehram-kanały paviedamlajuć pra ataku bieśpiłotnikaŭ na stalicu Rasii, paškodžany budynak pobač ź Ministerstvam abarony, jašče adzin bieśpiłotnik trapiŭ u biznes-centr «Lerua Mierlen».
Kala 4 hadzin telehram-kanał «Shot» paviedamiŭ pra ataku BPŁA na Maskvu, z-za čaho nad mostam było čuvać huki vybuchaŭ.
Kanał paviedamiŭ pra vybuch u maskoŭskim biznes-centry na vulicy Lichačova. «U budynku, dzie znachodzicca «Lerua Mierlen», vybiła šyby na vierchnich pavierchach. Papiarednie mienavita tudy «ŭlacieŭ» BPŁA», — napisaŭ Shot.
U toj ža čas TH-kanał «Mash» paviedamiŭ, što ŭ budynku na Kamsamolskim praśpiekcie, jaki znachodzicca niedaloka ad Ministerstva abarony RF, vybita šyba, a kala budynka vyjaŭlenyja askiepki bieśpiłotnika. Paviedamlajecca, što ciapier infarmacyi pra zahinułych i paciarpiełych niama, piša «Ukrainskaja praŭda».
Vydańnie TASS sa spasyłkaj na ekstrannyja słužby paćvierdziła, što askiepki bieśpiłotnika vyjaŭlenyja na Kamsamolskim praśpiekcie, a jašče adzin bieśpiłotnik trapiŭ u hmach biznes-centra na vulicy Lichačova.
A mer Maskvy Sabianin paviedamiŭ, što kala 4 hadziny ranicy zafiksavanyja ŭdary bieśpiłotnikaŭ pa dvuch niežyłych budynkach. Pavodle jaho, surjoznych razbureńniaŭ i paciarpiełych niama.
Adznačajecca, što na Kamsamolskim praśpiekcie i vulicy Lichačova pierakryty ruch aŭtatranspartu.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary