Naŭsieda: ES i ZŠA iduć roznymi šlachami ŭ pytańni sankcyj suprać Biełarusi
Paśla taho jak ZŠA źniali častku sankcyj ź Biełarusi, litoŭski prezident zajaviŭ, što Jeŭrapiejski sajuz idzie pa «inšym šlachu» ŭ pytańni abmiežavalnych mier.
«Złučanyja Štaty sapraŭdy mohuć pravodzić svaju palityku ŭ dačynieńni da Rasii i Biełarusi, adnak palityka ES hranična jasnaja i zasnavanaja na pryncypie, što abiedźvie dziaržavy — jak Rasija, tak i jaje blizki sajuźnik Biełaruś — niasuć adkaznaść za toje, što adbyvajecca va Ukrainie», — zajaviŭ kiraŭnik Litvy žurnalistam u Brusieli ŭ čaćvier.
«Varta źviarnuć uvahu, što zusim niadaŭna my damahlisia pradaŭžeńnia sankcyj ES suprać Biełarusi jašče na 12 miesiacaŭ. Na praciahu hetaha terminu niama ni mahčymaści, ni palityčnaha žadańnia viartacca da pierahladu sankcyj. Takim čynam, admiena sankcyj ZŠA — heta adno, tym časam sankcyjnaja palityka ES — heta inšy šlach», — skazaŭ Naŭsieda.
Jon skazaŭ heta paśla taho, jak Minsk pa vynikach pieramovaŭ z Vašynhtonam vyzvaliŭ 250 palitviaźniaŭ, 15 ź jakich prybyli ŭ Litvu.
Kamientary
Pazicyja Naŭsiedy: "Biełaruś - hubiernia Rasiei, i adryvać ad Rasiei my jaje nie budziem".
https://dck8xvlq18iei.cloudfront.net/ru/321342
"Priezidient Litvy nazvał Biełaruś rośsijskoj hubiernijej".