Ministerstva transpartu Litvy razhladaje pytańnie ryzyki aŭtobusnych pasažyrskich znosin ź Biełaruśsiu. U vypadku, kali Departamient paćvierdzić niebiaśpieku, pasažyrskaje transpartavańnie mohuć skaracić abo ŭvohule skasavać, piša resurs tv3.lt.
U Litvie Departamient dziaržbiaśpieki raniej nieadnarazova kazaŭ, što hramadzianam krainy lepiej admovicca ad pajezdak u Biełaruś. Departamient pryvodziŭ prykłady prymusu da supracy hramadzian Litvy ź biełaruskimi śpiecsłužboŭcami. U suviazi z hetym Ministerstva transpartu razhladaje pytańnie ryzyki pasažyrskaha transpartavańnia. Uzdymajecca pytańnie, kab skasavać maršruty ŭ Biełaruś.
Ciapier pamiž Biełaruśsiu i Litvoj jość 66 pasažyrskich aŭtobusnych maršrutaŭ, ich ździajśniajuć 11 litoŭskich i 22 biełaruskija transpartnyja kampanii.
«Ja nie viedaju, kolki jedzie hramadzian Litvy, ale, nakolki my kamunikavali z transpartnikami, aŭtobusami jedzie šmat biełarusaŭ, u jakich niama inšaha varyjanta viarnucca ź Jeŭropy. Tak jak jany pracujuć i ŭ Litvie, i ŭ inšych krainach Jeŭrasajuza, im treba viartacca. Samalotaŭ bolš niama, viartacca sprabujuć aŭtatranspartam. U Vilniu jany laciać samalotam, a ź Vilni ŭ Biełaruś — aŭtobusam. Tam biełarusy», — havoryć prezident Litoŭskaj asacyjacyi pasažyrskaha transpartu Hintaras Nakucis.
Pradstaŭnik asacyjacyi taksama adznačaje, što ciapier na pasažyrskaje transpartavańnie isnuje vysoki popyt, tamu, na jahonuju dumku, skasoŭvać rejsy nie varta.
Jon padkreśliŭ, što aŭtobusy, jakija kursujuć pamiž Biełaruśsiu i Litvoj, zvyčajna zapoŭnienyja.
«Mabyć, pamianialisia abstaviny, i ankiety stali pierahladać». Źjavilisia novyja padrabiaznaści pra anulavańnie litoŭskich DNŽ za suviazi z vojskam
U trojku najmienš stresavych aeraportaŭ śvietu ŭvajšoŭ adzin dobra znajomy biełarusam
Z pačatku vajny va Ukrainie Litva anulavała 2905 dazvołaŭ na žycharstva biełarusam i rasijanam
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary