U trojku najmienš stresavych aeraportaŭ śvietu ŭvajšoŭ adzin dobra znajomy biełarusam
Naviedvańnie aeraporta ŭ Vilni vyklikaje ŭ pasažyraŭ vielmi mała stresu ŭ paraŭnańni z bolšaściu inšych, piša časopis Condé Nast Traveler, jaki cytuje Thinktanks.by.
Nivodzin aeraport nie idealny. Doŭhija čerhi, zahružanyja terminały i zatrymki — heta toje, što my pryzvyčailisia ad ich čakać. Ale aeraporty z hodnaj prapanovaj ježy, blizkaściu da centra horada i tannaj parkoŭkaj dapamahajuć stvaryć mienš stresavaje asiarodździe dla ŭvachodu ŭ režym adpačynku, piša časopis Condé Nast Traveler.
Źviestki dla suśvietnaha rejtynhu aeraportaŭ pavodle ŭzroŭniu stresavaści źbirali ekśpierty ŭ arendzie aŭtamabilaŭ dla prodažu na StressFreeCarRental.com.
Kryteryi ŭklučajuć u siabie statystyku ab ahulnaj kolkaści pasažyraŭ za hod, adlehłaści ad centra horada, płacie za parkoŭku aŭtamabila na praciahu adnaho tydnia, ahulnaj kolkaści restaranaŭ i rejtynhu jakaści (uziata z vodhukaŭ aeraportaŭ Flight Radar sajta adsočvańnia rejsaŭ u realnym časie ab pasažyrach, jakija padarožničali ŭ kožny aeraport i ź jaho).
Kožnamu faktaru prysvojvaŭsia bał ad 1 da 10, jaki padsumoŭvaŭsia dla kožnaha aeraporta, kab atrymać ahulnuju kolkaść bałaŭ. Vilenski mižnarodny aeraport u Litvie apynuŭsia na trecim miescy ŭ rejtynhu. U časopisie pakazali nastupnyja jaho charaktarystyki:
- Kolkaść pasažyraŭ u 2022 hodzie: 3 915 960 čałaviek.
- Adlehłaść ad centra horada (km): 6,4
- Płata za parkoŭku za adzin tydzień (€): 45,5
- Kolkaść restaranaŭ: 10
- Rejtynh z 100%: 80
Lepšymi za aeraport, jaki biełarusy kaliści nazyvali «Minsk-3», akazalisia pavodle hetaha rejtynhu tolki dva abjekty: aeraport Biłuna ŭ Danii i Luksiemburhski aeraport.
Top-10 najmienš stresavych aeraportaŭ śvietu pa viersii Condé Nast Traveler vyhladaje tak:
1) aeraport Biłuna (Danija);
2) aeraport Luksiemburha (Luksiemburh);
3) Vilenski aeraport (Litva);
4) aeraport Mienorki (Ispanija);
5) aeraport Hanoviera (Hiermanija);
6) aeraport Ńjukasła (Vialikabrytanija);
7) aeraport Korfu (Hrecyja);
8) aeraport Tranchiejma (Narviehija);
9) aeraport Turyna (Italija);
10) aeraport Kaljary na Sardzinii (Italija).
Čytajcie taksama:
Vilnia ci Varšava? Biełarusy pra plusy i minusy žyćcia ŭ hetych stalicach
Zialenski ŭ Vilni spyniaŭsia ŭ hateli «Narač»
Łukašenka pažadaŭ kalektyvu Nacyjanalnaha aeraporta čystaha błakitnaha nieba. Jak kažuć, jość niuans
-
Prafiesijny dohlad bieź vizitu ŭ sałon: lehiendarny brend WAHL vypuściŭ liniejku dla stryžki doma
-
Zładziła dzień naradžeńnia dla darahoha sabaki maltypu, maryć pra ŭnukaŭ: jak ciapier žyvie Anžalika Ahurbaš
-
Biełarus pieški idzie 3000 kiłamietraŭ z Varšavy da Ispanii — hatovy nočyć u lesie i mycca ŭ rečcy
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary