Polšča pajšła nasustrač biełarusam z praterminavanymi vizami PBH. Što źmianiłasia?
Pačynajučy z 1 lipienia ŭ Polščy zaviaršyŭsia stan epidemijałahičnaj pahrozy. Termin dziejańnia pradoŭžanych z nahody pandemii dakumientaŭ, u tym liku viz, skončycca 1 žniŭnia. Praz heta mnohija biełarusy akazalisia ŭ składanaj situacyi, u tym liku tyja, chto pierabraŭsia ŭ krainu pa prahramie Poland. Business Harbour. Ale polskija ŭłady pašli im nasustrač.
Biełarusy, jakija pierajechali ŭ Polšču pa prahramie Poland. Business Harbour (PBH) i ažyćciaŭlali tam pradprymalnickuju dziejnaść, apasalisia, što nie zmohuć praciahnuć svaju dziejnaść paśla 31 lipienia, kali zastanucca ŭ krainie z praterminavanaj vizaj.
U takoj situacyi akazalisia mnohija, chto padaŭsia na atrymańnie DNŽ, ale nie paśpieŭ atrymać dakumient, bo heta niachutki praces. Polskaje zakanadaŭstva dazvalaje takim asobam zastavacca ŭ krainie na padstavie štampa ŭ pašparcie, jaki paćviardžaje toj fakt, što zamiežnik padaŭ dakumienty na atrymańnie DNŽ. Ale ŭ toj ža čas zakanadaŭstva nie praduhledžvała mahčymaści ažyćciaŭlać pradprymalnickuju dziejnaść, kali termin vizy skončyŭsia, a DNŽ niama.
Adnak za niekalki dzion da nastupleńnia daty Ch stała viadoma, što zamiežniki, jakija majuć u Polščy biznes na padstavie vizy PBH, majuć prava praciahvać hetuju dziejnaść (u tym liku supracoŭničać jak samazaniatyja asoby pa dahavorach B2B) paśla zakančeńnia terminu dziejańnia vizy.
Heta datyčyć i tych vypadkaŭ, kali viza była praciahnutaja na padstavie stanu epidemičnaj pahrozy (da 31 lipienia).
«Umovaj zachavańnia prava na viadzieńnie biznesu paśla zakančeńnia terminu dziejańnia vizy PBH źjaŭlajecca padača adpaviednaj zajavy na dazvoł na žycharstva da zakančeńnia terminu dziejańnia vizy», — havorycca ŭ tłumačeńni da źmien u polskim zakanadaŭstvie.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
Kamientary