Matč Lihi čempijonaŭ pieranieśli z-za hibieli zaŭziatara. Jon zahinuŭ u žorstkaj bojcy
Matč 3-ha raŭnda kvalifikacyi Lihi čempijonaŭ pamiž afinskim AJEKam i zahrabskim «Dynama» pieraniesieny na inšuju datu. Jon mieŭsia adbycca siońnia, ale UEFA pieraniesła jaho.
Učora ŭviečary ŭ Afinach adbyłasia bojka pamiž fanatami hetych kamandaŭ. Hrupa z prykładna 150—200 zaŭziataraŭ «Dynama» prybyła ŭ stalicu Hrecyi, parušyŭšy zabaronu, uviedzienuju dla pryjezdžych z Charvatyi z-za bojazi mienavita takich sutyknieńniaŭ, piša Sports.ru.
Palicyja ŭstanaviła schavanaje nazirańnie za charvackimi fanatami, ale zhubiła ich śled, kali jany vyjšli z aŭtobusaŭ i praciahnuli ruchacca na ciahniku i aŭtamabilach. Sutyčka fanataŭ adbyłasia kala stadyjona «Arena».
U vyniku bojki zahinuŭ hrecki zaŭziatar. Čatyrom hrekam i čatyrom charvatam taksama była akazanaja miedycynskaja dapamoha ŭ suviazi z roznymi traŭmami, palicyja zatrymała 96 čałaviek.
Cikava, što fanaty inšaha afinskaha kłuba «Panatynaikosa» ŭdzielničali ŭ bojcy na baku zaŭziataraŭ «Dynama».
AJEK u svajoj zajavie ŭskłaŭ adkaznaść za incydent na «Dynama» i hreckuju palicyju.
Kamientary