Najlepšy dla žyćcia vajavodski centr — Poznań, najhoršy — Biełastok — Businessinsider apublikavaŭ rejtynh polskich haradoŭ. U im uličvalisia try ekanamičnyja pakazčyki (uzrovień biespracoŭja, siaredniaja zarpłata i dastupnaść žylla), a taksama dastupnaść biaspłatnaj miedycyny, uzrovień złačynnaści i jakaść pavietra, piša «Most».
Pavodle hetych pakazčykaŭ najlepšym vajavodskim centram dla žyćcia pryznana Poznań (28 bałaŭ — čym nižejšaja acenka, tym lepšaja situacyja). Na druhim miescy — Katavicy (39 bałaŭ), na trecim — Apole (42 bały).
Samyja nizkija vyniki ŭ Biełastoka (74 bały), Kielcaŭ (64 bały) i Varšavy (60 bałaŭ).
Samyja nizkija pakazčyki biespracoŭja, pavodle rejtynhu, u Poznani, Katavicach i Varšavie. A samyja vysokija — u Biełastoku, Kielcach i Lublinie.
Pa siarednich zarobkach lidzirujuć Krakaŭ, Hdańsk i Varšava, a ŭ aŭtsajdarach — Biełastok, Kielcy i Hožaŭ Vielkapolski.
U Katavicach, Hožavie Vielkapolskim i Bydhaščy samaje dastupnaje žyllo, samaja składanaja situacyja — u Varšavie, Biełastoku i Hdańsku.
Patrapić na pryjom doktara pa NFZ (za košt Nacyjanalnaha fondu zdaroŭja) praściej za ŭsio ŭ Łodzi, Lublinie i Kielcach, a składaniej — u Ščecinie, Biełastoku i Hožavie Vielkapolskim.
Samy nizki ŭzrovień złačynnaści ŭ Žešavie, Olštynie i Lublinie, a samy vysoki — u Katavicach, Krakavie i Łodzi.
Samaje čystaje pavietra — u Apole, Hožavie Vielkapolskim i Poznani, a najhoršyja pakazčyki — u Varšavy, Žešava i Krakava.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary