Pačynaje pryjom zajavak litaraturnaja premija imia Karłasa Šermana
Litaraturnaja premija imia Karłasa Šermana, jakaja prysudžajecca za najlepšyja litaraturnyja pierakłady na biełaruskuju movu, abviaściła pačatak pryjomu zajavak. Sioleta ŭznaharodu atrymajuć najlepšyja pierakłady, vydadzienyja ŭ 2021 i 2022 hadach.
Žury vyznačyć łaŭreataŭ premii ŭ troch naminacyjach: «Pierakład prozy», «Pierakład paezii», «Pierakład dziciačaj knihi».
Zajaŭki prymajucca da 20 žniŭnia ŭklučna. Pieramožcaŭ čakajuć kaštoŭnyja ŭznaharody.
Udzielničać u konkursie mohuć pierakłady mastackich knih na biełaruskuju movu, vydadzienyja ŭpieršyniu ŭ papiarovym abo elektronnym varyjancie ŭ 2021 i 2022 hadach.
Kab naminavać pierakłady, treba zapoŭnić formy pa spasyłkach naminacyja za 2021, naminacyja za 2022.
Premija imia Karłasa Šermana była zasnavanaja ŭ 2016 hodzie pry padtrymcy Biełaruskaha PEN-centra, Sajuza biełaruskich piśmieńnikaŭ i dabračynnaha Fondu «Viartańnie». Jana ŭručajecca za najlepšy pierakład mastackaj knihi na biełaruskuju movu.
U hetym hodzie suarhanizatarami premii vystupajuć Bellvory Stiftung (Switzerland), Biełaruski PEN i Mižnarodny sajuz biełaruskich piśmieńnikaŭ.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni9
Kamientary