Prankier pakazvaŭ rasiejcam ściah Biełarusi i prasiŭ zdahadacca, čyj jon — adkazy samyja niečakanyja
Pra ściah i stalicu Biełarusi rasiejcaŭ apytali ŭ čat-ruletcy. «Stalica Biełarusi? Tak heta ž nieŭzabavie budzie vobłaść Rasii», — byŭ adzin z adkazaŭ.
U tyktoku bolš za 600 tysiač prahladaŭ nabrała videa, u jakim ukrainski prankier u čat-ruletcy prapanuje svaim surazmoŭcam z Rasii adhadać ściah adnoj z bratnich krain. Pry hetym jon demanstruje vyjavu ź dziaržaŭnym ściaham Biełarusi.
Siarod adkazaŭ nazyvalisia takija krainy, jak Ispanija, Kazachstan, Tadžykistan, Partuhalija.
Prankier sprabavaŭ padkazać, havoračy, što heta susiedniaja kraina. Ale, vidać, heta jašče bolš uskładniała zadaču — hučali viersii pra Tadžykistan, Iran, Hiermaniju.
U druhim videa błohier prasiŭ nazvać stalicu Biełarusi. Pry adkazie na heta pytańnie nazyvalisia jak stalicy krain SND (Kišynioŭ), rasijskija harady (Biełharad), tak i krainy (Ukraina). A adzin surazmoŭca prademanstravaŭ «daśviedčanaść» i z zachapleńniem paviedamiŭ, što Biełaruś nieŭzabavie budzie vobłaściu Rasii. Praŭda, stalicy tak i nie nazvaŭ.
U kamientarach da videa adzin z karystalnikaŭ prapanavaŭ nastupny raz pytacca marki harełki.
Čytajcie jašče:
U śpis «ekstremisckich materyjałaŭ» unieśli tyktok-staronku Nastaśsi Roŭdy
-
Dastaŭščyk ježy «Jandeks» u Maskvie zaśpiavaŭ na vulicy i staŭ zorkaj — im akazaŭsia chłopiec z Bresta
-
Biełarusy zdymajuć vohniennyja parodyi na rolik sa školnikam, jaki pałoŭ bulbu — dałučylisia ratavalniki, mietrapaliten i «Kupałaŭcy» VIDEA
-
«Ja až spałochaŭsia, realna». Biełarusy znajšli ŭ lesie hihancki baravik
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy23
Kamientary