Ministerstva abarony Rasii pryznała, što bombu na rasijski abłasny centr Biełharad skinuŭ rasijski samalot.
«Uviečary 20 krasavika pry vykanańni palotu samalota Su-34 VKS nad horadam Biełharad adbyŭsia niaštatny schod avijacyjnaha bojeprypasu. Jość paškodžańni žyłych budynkaŭ, achviar niama. Pravodzicca rasśledavańnie», — havorycca ŭ zajavie Ministerstva abarony Rasii.
Jaki mienavita snarad upaŭ z rasijskaha samalota na Biełharad, viedamstva nie ŭdakładniaje.
Hubiernatar Biełharodskaj vobłaści Viačasłaŭ Hładkoŭ paviedamiŭ, što dva čałavieki ŭ vyniku hetaha atrymali ranieńni.
«Žančyna z čerapna-mazhavoj traŭmaj u stanie siaredniaj stupieni ciažkaści dastaŭlena ŭ haradskuju balnicu №2. Druhaja žančyna z drapinami ad špitalizacyi admoviłasia, usia nieabchodnaja miedycynskaja dapamoha akazanaja na miescy», — napisaŭ Hładkoŭ.
Akramia taho, pavodle biełharadskaha hubiernatara, byli paškodžanyja čatyry kvatery šmatkvaternaha doma pa vulicy Šałandzina i čatyry aŭtamabili.
U rasijskim Biełharadzie prahrymieŭ mocny vybuch, paškodžanaja častka doma
Pavietranyja siły USU paviedamili, što nie majuć dačynieńnia da ŭčorašniaj uspyški. Ale pachvalilisia svaimi dasiahnieńniami
U Homieli i Mazyry zafiksavali jarkuju ŭspyšku. Adnačasova jaje bačyli i na poŭnačy Ukrainy. Što heta było?
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1414
Kamientary