Biełaruska Volha Kabava vyrašyła pravieści hrašovy ekśpierymient. Ceły hod jana adkładała ŭ skarbonku maniety pa 2 biełaruskija rubli. A jak raspakavała naźbiranaje dy apublikavała ŭ tyktok — to videa naźbirała bolš za 4,7 miljona prahladaŭ, piša «Kamsamolskaja praŭda».
U papularnaj sacsietcy Volha apublikavała niekalkich svaich rolikaŭ sa skarbonkaj. Praz hod ekśpierymientu žančyna adkryła skarbonku i pakazała, kolki zmahła naźbirać dvuchrublovych maniet. Hetaje videa nabrała ŭ TikTok rekordnuju kolkaść prahladaŭ — 4,7 miljona prahladaŭ.
«Zaŭsiody, kali mnie «prychodzili» 2 rubli, ja ich adkładvała. I tak ceły hod. Samaje cikavaje, što ja navat nie adčuła, što niejkich dvuch rubloŭ mnie dzieści nie chapaje», — padzialiłasia jana svaim vopytam z padpisčykami.
Jašče žančyna paraiła ŭsim pravieści taki ekśpierymient i prapanavała padpisčykam adhadać, jakaja suma ŭ vyniku nazapasiłasia ŭ dvuchrubloŭvikach za hod.
U inšym videa jana ŭsio ž raskryła intryhu i nazvała sumu. Za hod Volzie zmahła adkłaści 326 biełaruskich rubloŭ.
Darečy, inšaja karystalnica tyktoka raniej užo pravodziła padobny hrašovy ekśpierymient. Jana źbirała tyja ž dvuchrublovyja maniety ciaham dvuch hadoŭ i naźbirała 1100 rubloŭ. Adnak jaje videa, choć taksama było dastatkova papularnym (amal 420 tysiač prahladaŭ), takoha furoru nie zrabiła. Nie ŭsio zaležyć ad sumy.
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara28
Kamientary