«Vajna nie zavieršycca da viasny, šlach da pieramohi budzie doŭhim» — vice-premjer-ministr Vieraščuk
«Nastrojvajemsia na marafon, a nie na sprynt, na boj z dvanaccaci raŭndaŭ, a nie z troch», — kaža Iryna Vieraščuk.
Vice-premjer — ministr pa pytańniach reintehracyi časova akupavanych terytoryj Ukrainy Iryna Vieraščuk zajaviła, što vajna z Rasijaj praciahniecca doŭha i nie zavieršycca ni da kanca hetaha hoda, ni da nastupnaj viasny, jak niekatoryja spadziajucca. Pra heta jana napisała ŭ svaim telehramie.
«Kolki jašče praciahniecca vajna? My pavinny być sumlennymi. U hetaj vajnie šlach da pieramohi budzie doŭhim i ciažkim. «2—3 tydni», «da kanca hoda», «nastupnaj viasnoj» — usio heta niapraŭda, — kaža vice-premjer-ministr. — My pavinny nastroicca na praciahłuju baraćbu. Hramadzianie i ŭłada — usie pavinny nastroicca na praciahłuju i ciažkuju vajnu. I tolki tady my pieramožam».
Vieraščuk ličyć, što kožny pavinien pracavać na pieramohu na svaim miescy.
Jana prapanuje taki padychod:
- Nastrojvajemsia na marafon, a nie na sprynt, na boj z dvanaccaci raŭndaŭ, a nie z troch.
- Biaromsia tolki za realistyčnyja rečy, nie tracim resursaŭ i času na toje, što «nie ŭźlataje».
- Trymajem fokus na hałoŭnych rečach, ihnarujem astatnija. My pavinny pryvyknuć žorstka trymać pryjarytety i nie raspylacca.
- Karupcyja — dziaržzdrada. Kali dziejničać nie žorstka, to nie spracuje.
- Palitykanstva i harłapanstva — maratoryj. Zvady — paśla vajny.
«Nie dumajem pra potym. Robim maksimum tut i ciapier. Spakojna. Dzień pry dni. I padtrymlivajem adno adnaho. Heta taksama važna. Mienavita tamu my vystajali letaś. Tamu ŭrešcie my pieramožam», — reziumuje Iryna Vieraščuk.
Ciapier čytajuć
Babaryka: Kali b my pieramahli — vajny va Ukrainie nie było b34
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary