42-hadovy vilančuk staŭ apošnim zarehistravanym kantrabandystam na pamiežnym pierachodzie «Ćvierač»
Ale zamiest vinšavańniaŭ mužčynu pahražaje bujny štraf i kanfiskacyja aŭtamabila.
42-hadovy mužčyna ź Vilni staŭ apošnim aficyjna zarehistravanym kantrabandystam na zakrytym punkcie pamiežnaha kantrolu «Ćvierač», piša Delfi.lt.
U čaćvier viečaram supracoŭniki kantrolna-prapusknoha punkta «Ćvierač» Vilenskaha pamiežnaha atrada pravieryli transpartnyja srodki, jakija ŭjazdžali ź Biełarusi.
42-hadovy žychar Vilni, jaki znachodziŭsia za rulom aŭtamabila Chrysler Grand Voyager ź litoŭskimi rehistracyjnymi numarami, pakazaŭ pamiežnikam adpaviednyja dakumienty. Adnak vidavočnaje chvalavańnie kiroŭcy prymusiła zapadozryć, što mašyna moža pieravozić nielehalny hruz. U vyniku Chrysler byŭ detalova pravierany.
Intuicyja mytnikaŭ nie padviała. Vyśvietliłasia, što pad kapotam aŭtamabila, pamiž radyjataram i ruchavikom, znachodziłasia schovanka, dzie mužčyna vioz 1100 pačkaŭ cyharet NZ Gold ź biełaruskimi etykietkami.
Za pieravozku padakcyznych tavaraŭ z parušeńniem ustanoŭlenaha paradku vilančuk atrymaje štraf u pamiery 3500—6000 jeŭra. Akramia taho, jon moža pazbavicca aŭtamabila, u jakim niezakonna pieravoziŭ cyharety.
Ciapier čytajuć
«Siadzić na kamierach». Daktary raskazvajuć, jak byłyja siłaviki ŭ administracyi paliklinik i balnic ich kantralujuć3
Kamientary