Paśla źniaćcia z pasady hienierała Siarhieja Suravikina časova vykanaŭcam abaviazkaŭ hałoŭnakamandujučaha Pavietrana-kaśmičnymi siłami staŭ načalnik Hałoŭnaha štaba PKS hienierał Viktar Afzałaŭ, piša RIA «Novosti».
Ahienctva adznačaje, što Afzałaŭ užo da hetaha vykonvaŭ abaviazki hałoŭnakamandujučaha PKS, kali Suravikin kamandavaŭ Abjadnanaj hrupoŭkaj vojskaŭ na vajnie va Ukrainie.
Viktar Afzałaŭ naradziŭsia 9 červienia 1968 hoda. Jon skončyŭ Puškinskaje vyšejšaje vajskovaje vučylišča radyjoelektroniki supraćpavietranaj abarony ŭ 1989 hodzie, Vajskovy ŭniviersitet SPA — u 2000-m i Vajskovuju akademiju Hienieralnaha štaba Uzbrojenych sił Rasijskaj Fiederacyi ŭ 2010-m.
Za čas vajskovaj karjery Afzałaŭ zajmaŭ pasady ad načalnika raźliku adździaleńnia bajavoha ŭpraŭleńnia hrupy zienitnych rakietnych dyvizijonaŭ korpusa SPA da načalnika štaba — pieršaha namieśnika kamandujučaha armijaj VPS i SPA. U lipieni 2017 hoda byŭ pryznačany kamandujučym vojskam VPS i SPA Uschodniaj vajskovaj akruhi. Letaś u śniežni jon atrymaŭ zvańnie hienierał-pałkoŭnika.
Pra toje, što Suravikin vyzvaleny ad pasady hałoŭnakamandujučaha PKS, zajaviŭ były hałoŭred «Echo Moskvy» Alaksiej Vieniadziktaŭ. Krynicy RBK paćvierdzili heta, adna ź ich dadała, što paśla źniaćcia z pasady Suravikin pierastaŭ być namieśnikam kamandujučaha siłami śpiecapieracyi.
Pucin źniaŭ hienierała Suravikina — Vieniadziktaŭ
U Rasii pamior hienierał, jaki niejki čas kamandavaŭ akupacyjnymi vojskami va Ukrainie
Rasijskamu hienierału Suravikinu zahadali maŭčać i źmiaścili pad chatni aryšt — Politico
«Kabajeva nie paciahnuła, na žal». Rasijskija šavinisty rychtujucca źniščyć tych, chto ich sparadziŭ
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary