Пасля зняцця з пасады генерала Сяргея Суравікіна часова выканаўцам абавязкаў галоўнакамандуючага Паветрана-касмічнымі сіламі стаў начальнік Галоўнага штаба ПКС генерал Віктар Афзалаў, піша РИА «Новости».
Агенцтва адзначае, што Афзалаў ужо да гэтага выконваў абавязкі галоўнакамандуючага ПКС, калі Суравікін камандаваў Абʼяднанай групоўкай войскаў на вайне ва Украіне.
Віктар Афзалаў нарадзіўся 9 чэрвеня 1968 года. Ён скончыў Пушкінскае вышэйшае вайсковае вучылішча радыёэлектронікі супрацьпаветранай абароны ў 1989 годзе, Вайсковы ўніверсітэт СПА — у 2000-м і Вайсковую акадэмію Генеральнага штаба Узброеных сіл Расійскай Федэрацыі ў 2010-м.
За час вайсковай карʼеры Афзалаў займаў пасады ад начальніка разліку аддзялення баявога ўпраўлення групы зенітных ракетных дывізіёнаў корпуса СПА да начальніка штаба — першага намесніка камандуючага арміяй ВПС і СПА. У ліпені 2017 года быў прызначаны камандуючым войскам ВПС і СПА Усходняй вайсковай акругі. Летась у снежні ён атрымаў званне генерал-палкоўніка.
Пра тое, што Суравікін вызвалены ад пасады галоўнакамандуючага ПКС, заявіў былы галоўрэд «Эхо Москвы» Аляксей Венядзіктаў. Крыніцы РБК пацвердзілі гэта, адна з іх дадала, што пасля зняцця з пасады Суравікін перастаў быць намеснікам камандуючага сіламі спецаперацыі.
Пуцін зняў генерала Суравікіна — Венядзіктаў
У Расіі памёр генерал, які нейкі час камандаваў акупацыйнымі войскамі ва Украіне
Расійскаму генералу Суравікіну загадалі маўчаць і змясцілі пад хатні арышт — Politico
«Кабаева не пацягнула, на жаль». Расійскія шавіністы рыхтуюцца знішчыць тых, хто іх спарадзіў
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары