Rasijskamu hienierału Suravikinu zahadali maŭčać i źmiaścili pad chatni aryšt — Politico
Namieśnika kamandujučaha Abjadnanaj hrupoŭkaj rasijskich vojskaŭ va Ukrainie Siarhieja Suravikina adchilili ad słužby, adpravili pad chatni aryšt i zahadali maŭčać, pakul pra jaho nie zabuduć.
Politico sa spasyłkaj na rasijskich vajennych błohieraŭ i miedyja paviedamlaje, što aficyjnaha rasśledavańnia ŭ dačynieńni da Suravikina nie było, ale jaho źmiaścili pad chatni aryšt.
«U błohu «VČK-OHPU», jaki ličycca blizkim da rasijskich siłavych struktur, paviedamlałasia, što Suravikinu dazvolili naviedvalnikaŭ, u tym liku niekalkich jahonych padnačalenych. Aficyjnaha rasśledavańnia niama, ale Suravikin doŭhi čas znachodzicca ŭ padviešanym stanie i adkazvaje na niazručnyja pytańni. Hienierału paraili zastavacca ŭ cieni, kab pra jaho zabylisia», — piša vydańnie.
U rasijskim błohu taksama paviedamlajecca, što rašeńnie ab kančatkovym losie Suravikina «pavinien prymać adzin čałaviek, i čym daŭžej heta budzie praciahvacca, tym bolš jon [Suravikin] budzie pakutavać». Hety adzin čałaviek — Pucin.
Za niekalki dzion da hetaha deputat Dziarždumy RF Viktar Sobaleŭ paviedamiŭ, što Suravikin adchileny ad vykanańnia abaviazkaŭ kamandujučaha vojskami Kramla va Ukrainie, nahadvaje «UP».
Sobaleŭ taksama namiaknuŭ, što Suravikin jašče moža być karysny rasijskaj armii paźniej, kali za im nie vyjaviać surjoznych parušeńniaŭ.
12 lipienia rasijskija miedyja paviedamili, što Suravikina zatrymała kontrvyviedka pa spravie ab buncie Jaŭhiena Pryhožyna.
Raniej FSB Rasii zajaviła ab zakryćci spravy ab paŭstańni Pryhožyna ŭ Rasii.
Adnak Suravikin, jakoha zachodnija miedyja nieadnarazova źviazvali z Pryhožynym, nie zjaŭlaŭsia na publicy z momantu zvarotu da vahnieraŭcaŭ u noč na 24 červienia, u jakim zaklikaŭ ich skłaści zbroju.
Bloomberg taksama pisaŭ, što hienierała niekalki dzion dapytvali vajskovyja prakurory ab jaho suviaziach z Pryhožynym. Krynica ahienctva śćviardžała, što Suravikina trymajuć «u adnym miescy», ale jon nie znachodzicca ŭ turmie.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary