U zbornuju Saudaŭskaj Aravii zaprasili hetaha zornaha treniera. Za 30 miljonaŭ jeŭra ŭ hod
Rabierta Mančyni budzie jaje rychtavać da čempijanatu śvietu 2026 hoda i Kubka Azii — 2023.
Rabierta Mančyni ŭznačalić zbornuju Saudaŭskaj Aravii ŭ najbližejšy čas. Jaho zarobak składzie 25—30 miljonaŭ jeŭra za hod, a kantrakt raźličany na try hady, piša Gazetta dello Sport.
U suśvietnym rejtynhu zbornaja Saudaŭskaj Aravii znachodzicca na 54-j pazicyi, Biełaruś — 98-ja.
Upieršyniu na čempijanat śvietu saudaŭcy prabilisia ŭ 1994 hodzie i adrazu dajšli da 1/8 finału. U 2018 hodzie kamanda nie vyjšła z hrupy, dzie byli Rasija, Uruhvaj i Jehipiet.
Na apošnim čempijanacie śvietu ŭ Katary Saudaŭskaja Aravija taksama nie vyjšła z hrupy, ale ŭ matčy pieršaha tura pieramahła budučych čempijonaŭ śvietu zbornuju Arhienciny (2:1).
Taksama zbornaja Saudaŭskaj Aravii nieadnarazova pieramahała na Kubku Azii i Kubku arabskich nacyj.
Rabierta Mančyni sa zbornaj Italii vyjhraŭ Jeŭra-2021, ale nie trapiŭ u finalny turnir čempijanatu śvietu 2022 hoda, siensacyjna ŭmudryŭšysia sastupić u stykavym matčy Paŭnočnaj Makiedonii.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca11
Kamientary