Palicyja i śpiecsłužby Hiermanii šukajuć rasijskija schovanki sa zbrojaj
Pavodle źviestak niamieckich śpiecsłužbaŭ, rasijskaja raźviedka stvaryła ŭ Hiermanii schovanki sa zbrojaj. Jak piša BILD, ciapier viaducca pošuki hetych schovanak.
Uviečary 11 červienia 2026 hoda niedaloka ad Subocicy sierbskaja palicyja spyniła dva aŭtamabili, jakija nakiroŭvalisia da vienhierskaj miažy. U «Piežo» Daniły Bahdanaviča, sierba z rasijskim pašpartam, vyjavili detali bieśpiłotnika, a ŭ čornym «Volva» Słabadana Dučyča — patajemnaje adździaleńnie ź dźviuma kansiervavymi blašankami, načynienymi vybuchoŭkaj. Pavodle acenki śledstva, z hetaha možna było sabrać bombu. Bahdanavič i Dučyč aryštavanyja.
Na nastupny dzień družalubnaja śpiecsłužba pieradała niamieckim kaleham infarmacyju pra padazrony hruzavik, jaki nakiroŭvaŭsia ŭ Hiermaniju ź Sierbii. Pavodle źviestak sierbskich uładaŭ, u hruzaviku była schovanka dla kantrabandy zbroi. Adnak sierbskaj palicyi pierachapić aŭtamabil nie ŭdałosia.
27 červienia bavarskaja pamiežnaja palicyja zatrymała hruzavik pry ŭjeździe z Aŭstryi. Sierbskaha kiroŭcu zatrymali, zabaranili jamu ŭjezd u Hiermaniju i viarnuli ŭ Aŭstryju. A hruzavik kanfiskavali. Śledčyja sapraŭdy vyjavili patajemnyja adsieki — pustyja.
Orhany biaśpieki pryjšli da vysnovy, što partyja zbroi, pra jakuju papiaredžvali sierby, mahła raniej dasiahnuć miesca pryznačeńnia ŭ Hiermanii. Pavodle infarmacyi BILD, zbroja moža pryznačacca dla napadu na abaronnaje pradpryjemstva ŭ Bavaryi, jakoje maje važnaje značeńnie dla vajennaj dapamohi Ukrainie.
Pošuk zbroi idzie poŭnym chodam. Pavodle acenki niamieckaha ŭrada, ciapier u Jeŭropie dziejničajuć niekalki sietak dyviersantaŭ, jakimi kiruje Rasija. Ličycca, što ich kaardynuje HRU, jakoje, jak miarkujecca, pravodzić tajemnyja apieracyi ŭ Jeŭropie z dapamohaj «adździeła śpiecyjalnych zadač».
Niamieckija śledčyja padazrajuć, što zbroja z hruzavika ŭžo znachodzicca ŭ niejkaj schovancy ŭ Hiermanii i hatovaja dla dyviersij.
Usie datyčnyja da hetaj spravy orhany ŭ adkaz na zapyt BILD spasyłajucca na režym sakretnaści. Na staronkach dakumientaŭ, jakija BILD udałosia ŭbačyć u suviazi z rasśledavańniem, źvierchu čyrvonym koleram nadrukavana: «aficyjna zasakrečana».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary