Na BT pakazali doktara, jaki viarnuŭsia ŭ Biełaruś praz kamisiju hienprakurora Švieda
Doktar-artapied Alaksandr Pipkin źjechaŭ u Hiermaniju, ale mienš čym praz hod viarnuŭsia ŭ Biełaruś.
Staž pracy Pipkina — bolš za 20 hod. Za hety čas doktar pravioŭ 5,5 tysiačy apieracyj. Na forumach pra jaho adhukajucca jak pra dobraha śpiecyjalista.
Pipkin raniej pracavaŭ u klinicy «Miersi», ułaśnikaŭ jakoj źviazvali ź siamjoj Łukašenki. U 2022-m jon zvolniŭsia z kliniki i źjechaŭ za miažu.
U siužecie BT Alaksandr Marksavič raskazvaje, što ŭ Hiermanii, kab dasiahnuć takoha ž uzroŭniu, jaki byŭ u jaho ŭ Biełarusi, treba prajści doŭhi šlach. Atrymaŭšy dazvoł na pracu, pieršy čas možna pracavać tolki asistentam doktara.
«Chacieŭ viarnucca, bo sum pa radzimie zamučyŭ, mnie tam ciažka było», — kaža mužčyna.
Taksama ŭ siužecie zhadvajecca, što jon byŭ u Kaardynacyjnaj radzie (najchutčej, razmova pra pašyrany skład rady). Ale paśla, kaža, palitykaj stała zajmacca niecikava. Ni ŭ jakaj dziejnaści KR doktar nie ŭdzielničaŭ.
Ź jaho słoŭ, jon chacieŭ vyjści z arhanizacyi, kali kryminalnaja sprava była zaviedzienaja, ale miechanizmu vychadu nie było.
«Mnie chočacca zajmacca svajoj lubimaj spravaj», — kaža Pipkin pra svaje płany ŭ Minsku.
Kamisiju pa viartańni stvaryli ŭ lutym 2023 hoda. Uznačaliŭ jaje hienprakuror Andrej Švied. Siarod udzielnikaŭ — teleprapahandyst Ryhor Azaronak, kolišni kiraŭnik fiederacyi chakieja, a ciapier «sienatar» Dźmitryj Baskaŭ, pierabiežčyk z apazicyi, zasnavalnik «Kruhłaha stała demakratyčnych sił» Juryj Vaskrasienski, prapahandyst Vadzim Hihin.
U mai hienieralny prakuror Andrej Švied zajaŭlaŭ, što ŭ kamisiju pa viartańni pastupiła bolš za 70 zvarotaŭ.
U lipieni «Kibierpartyzany» śćviardžali, što za piać miesiacaŭ pracy łukašenkaŭskaj «kamisii pa viartańni» ŭ Biełaruś svaje dakumienty dasłali 16 čałaviek.
Apublikavali skład kamisii, jakaja budzie vyznačać los «źbiehłych». Jon demanstratyŭna adyjozny
Ukaz pra «kamisiju pa viartańni» skłali tak, kab jon ničoha nie harantavaŭ. Voś što heta dakazvaje
«Kamisija pa viartańni» pajšła pa svajakach aktyvistaŭ
Prakuratura zajaviła pra pieršy zvarot u «kamisiju dla emihrantaŭ». A heta była redaktarka «Biełsata»
Kibierpartyzany raspaviali, kolki čałaviek źviarnulisia ŭ kamisiju pa viartańni
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary