Prakuratura zajaviła pra pieršy zvarot u «kamisiju dla emihrantaŭ». A heta była redaktarka «Biełsata»
Načalnica ŭpraŭleńnia Hienprakuratury Anžalika Kurčak paviedamiła, što zvaroty na elektronnuju poštu tolki što stvoranaj kamisii nibyta pačali prychodzić praktyčna adrazu. Krychu padrabiaźniej, praŭda, jana raskazała tolki pra adzin zvarot, jaki kamisiju nie zadavoliŭ.
Pieršaj u kamisiju, pa słovach Kurčak, napisała 35-hadovaja žycharka Minska, jakaja źjechała za miažu ŭ kastryčniku 2020 hoda. Ale jaje zvarot nie zaličany, bo ŭ im niama pryznańnia i pakajańnia.
«Jana nie paviedamiła pra ŭčynienyja joj pravaparušeńni ci złačynstvy, a vykazała tolki bojaź z-za jaje mahčymaj datyčnaści da supraćpraŭnych dziejańniaŭ. Pry hetym nie padała inšych źviestak, nieabchodnych paśla takoha zvarotu», — skazała čynoŭnica.
Pa słovach pradstaŭnika Hienprakuratury, kamisija razhledzić zvarot, kali jon budzie dapoŭnieny.
Jak akazałasia, list toj adpraviła redaktarka «Biełsata» Volha Jarochina (tolki joj nie 35, a 37 hadoŭ). U tekście zvarotu jana nie stała raskajvacca i paprasiła naviedać Biełaruś adnojčy, a nie viarnucca nazaŭsiody.
Čytajcie taksama:
«Tovariŝ prokuror, pohovori so mnoju». Stvareńnie kamisii pad kiraŭnictvam Švieda natchniła na tvorčaść Paŭła Libiera VIDEA
Apublikavali skład kamisii, jakaja budzie vyznačać los «źbiehłych». Jon demanstratyŭna adyjozny
Hienprakuratura raskazała, kudy pisać, kab pakajacca pierad Łukašenkam
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje16
Kamientary