Ci dapuściać dzicia da zaniatkaŭ biez školnaj formy? Voś što adkazali ŭ Minadukacyi
Školnika dapuściać da zaniatkaŭ i biez formy, ale z baćkami budzie praviedziena hutarka, paviedamiła BIEŁTA namieśnica načalnika hałoŭnaha ŭpraŭleńnia ahulnaj siaredniaj, daškolnaj i śpiecyjalnaj adukacyi — načalnica ŭpraŭleńnia ahulnaj siaredniaj adukacyi Ministerstva adukacyi Iryna Karžova.
«Adnaznačna tak. Nie majuć prava nie puścić», — skazała Iryna Karžova, adkazvajučy na pytańnie, ci puściać va ŭstanovu adukacyi dzicia biez školnaj formy.
Adnak dalej piedahohi buduć pracavać z baćkami hetaha vučnia, źviartajučy ŭvahu na toje, jak moža adčuvać siabie dzicia ŭ kalektyvie. Pry nieabchodnaści budzie prapanavana materyjalnaja dapamoha, adznačyła načalnik upraŭleńnia.
U škołu puściać i bieź źmiennaha abutku. «Puściać, viadoma, ale znoŭ ža — buduć pracavać z baćkami», — skazała Iryna Karžova.
Jana źviarnuła ŭvahu na toje, što baćki, prychodziačy na rabotu ŭ zimovych botach, pieraabuvajucca, pakolki pravodzić u ich ceły dzień u pamiaškańni niazručna i niezdarova.
«Tut, jak i z charčavańniem: možna admovicca. Ale ŭ toj ža čas treba rastłumačyć, što dla zdaroŭja dziciaci źjeści haračy sup lepš, čym bułačku z sokam», — skazała načalnica ŭpraŭleńnia.
U minskich škołach z nastupnaha hoda padumvajuć uvieści adzinuju formu — ź dziaržaŭnaj simvolikaj
«Treba nie pahružacca ŭ kulturu i historyju nośbitaŭ movy». Namieśnik ministra adukacyi raskazaŭ, jak idejna pravilna vyvučać zamiežnyja movy
Minadukacyi prapanavała nastaŭnikam, vučniam i ich baćkam paviedamlać pra pamyłki ŭ padručnikach
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje2121
Kamientary
Nu, i z formaj mabyć taja samaja sprava.
Nu, i što chvaluje - kolki toj formy treba kuplać, kab u joj kožny dzień chadzić? Niatanna heta mieć chacia b dva kamplekty. I pamiatajem, što dzieci chutka rastuć.