Na vydańnie «Biełaruskaha dziciačaha śpieŭnika» šukajuć sponsaraŭ
Płanujecca vydańnie «Biełaruskaha dziciačaha śpieŭnika» falkłarysta i piedahoha pieršaj pałovy XX stahodździa Antona Hrynieviča. U zbornik uvajšli dziciačyja pieśni, liryka, narodnyja miełodyi, zapisanyja ŭ roznych rehijonach Biełarusi ŭ 1905-1924 hadach.
U śpieŭniku možna znajści noty i teksty piesień, tłumačeńni. Akramia taho, vydańnie budzie dapoŭniena ŭstupnym artykułam, aŭdyjadadatkam i prezientavana jak u sučasnym vyhladzie, tak i ŭ faksimilnym.
Śpieŭnik vychodziŭ na srodki aŭtara ŭ Vilni ŭ 1920 hodzie i, na žal, vielmi małym nakładam. Aryhinały zachavalisia tolki ŭ archivach, tamu siońniašnija vydaŭcy staviać zadačaj nadrukavać adnu tysiaču asobnikaŭ i šyroka raspaŭsiudzić siarod biełarusaŭ śvietu jak u PDF-farmacie, tak i ŭ drukavanym vyhladzie.
Kožny sponsar atrymaje śpieŭnik u padarunak.
Sabranaja suma pojdzie
- na padrychtoŭku i ŭkładańnie,
- dyzajn i viorstku,
- druk adnoj tysiačy asobnikaŭ.
Kaardynatar prajekta — Siarhiej Doŭhušaŭ.
Padrabiaźniej pra vydańnie tut.
Čytajcie taksama:
Kala miažy ź Biełaruśsiu prajšoŭ fiestyval «Tutaka» — jak heta było ŠMAT FOTA
Vilenski biełaruski muziej imia Ivana Łuckieviča zaprašaje na Tydzień biełaruskaj kultury
-
«Ja vam skažu — zusim nie toje!» Na 80‑hodździ va Urocłavie Niaklajeŭ paraŭnaŭ pacałunki Brežnieva i Cichanoŭskaj
-
U Vienie za 776 tysiač jeŭra nachilili pomnik meru. Jaho antysiemityzm natchniaŭ Hitlera
-
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
Kamientary