Jak z chaty zrabić barnchaŭs? Voś jaki varyjant jość kala Minska
Dumajecie, jak pierarabić stary dom u vioscy? Łavicie ideju — znajšli cikavuju pierarobku chaty ŭ stylny barnchaŭs. Heta hodny ekzemplar sa śviežym interjeram, sučasnymi inžyniernymi sistemami žyćciezabieśpiačeńnia i maksimalnym kamfortam. Jak jon vyhladaje, pakazvaje Realt.
Znachodzicca hety dom za 10 chvilin ad Minska — u vioscy Aronava Słabada. Łakacyja padychodzić jak dla adpačynku ŭ režymie dačy, tak i dla pastajannaha žyćcia za horadam. Pobač lasy, vadaschovišča.
Dakładna nieviadoma, jakim byŭ dom da rekanstrukcyi, ale ciapier jon sapraŭdy vyhladaje pa-inšamu. Zvonku heta modny barnchaŭs z čornym falcavym dacham i mietaličnym fasadam takoha ž koleru. Pa bakach da jaho prymykajuć dźvie terasy.
Unutry dom nie stali chavać pad novym azdableńniem: u interjery staroje dreva. Zrešty, padłoha, vokny, pravodka — novyja.
Ahulnaja płošča — 70 m². Płaniroŭka takaja: u centralnaj častcy znachodzicca kuchnia-haścioŭnia z vychadam na terasy. Pa bakach — 3 spalni i sanvuzieł. Ramont unutry ŭžo darobleny, mebla i bytavaja technika rasstaŭleny.
Aciapleńnie elektryčnaje, jość kandycyjanier, vodapravod i kanalizacyja padviedzieny. Učastak 25 sotak, aharodžany, uparadkavany.
I hety hatovy varyjant dla žyćcia pradajecca. Ułaśniki acanili svoj barnchaŭs na 314 677 rubloŭ abo 110 tysiač dalaraŭ pa kursie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary