Infakazačka abvinavaciła Andreja Ivanca ŭ raspaŭsiudžvańni nacyzmu.
U svaim telehram-kanale prarasijskaja aktyvistka aburyłasia słovami ministra adukacyi pra toje, što niahledziačy na peŭny aptymizm u spravie vyvučeńnia školnikami biełaruskaj movy, heta nie aznačaje, što ŭłady nie pavinny «nadavać bolš uvahi i vyvučeńniu našaj kultury i našaj movy».
Na dumku Bondaravaj hetymi słovami, dzie «našaj» ministr nazvaŭ tolki biełaruskuju movu, Ivaniec dyskredytavaŭ i namierana pryniziŭ značeńnie adnoj ź dziaržaŭnych moŭ — ruskaj. Jana bačyć u hetym sprobu supraćpastavić adnu dziaržaŭnuju movu inšaj.
«Padobnyja dziejańni dziaržčynoŭnikaŭ nazirali i ŭ pieradmajdannaj pranacysckaj Ukrainie: tam taksama spačatku pazityŭna dyskryminavali ruskuju movu, a ciapier hatujuć stravy «z ruskich niemaŭlataŭ».
Patychaje i ŭ Biełarusi nacyzmam. Mocna.
Ja b nie ździviłasia i nie ździŭlajusia, sustrakajučy takuju pranacysckuju rytoryku ad sistemnych nacystaŭ. Ale ad ministra adukacyi?» — aburajecca Bondarava.
Bondarava jak i raniej, u svaich publikacyjach, źviartajecca da roŭnaści moŭ, jakoj, nasamreč, u Biełarusi nie isnuje, pra što jana cudoŭna viedaje. Sproby ž niejak padtrymać biełaruskuju movu, abo, jak jana kaža «štučna vypiačvać», Bondarava rasceńvaje jak sprobu ŭnieści raskoł u hramadstva.
Na dumku infakazački ŭ Biełarusi ministru adukacyi jašče jość čym zaniacca.
«Ci nazvanaja šlachta parazitami, mahnaty, jakija pradali vieru i narod — prystasavancami i judami, a polskija karali — akupantami? Abo pad vašym čułym kiraŭnictvam biełaruskim dzieciam praciahvaje ŭlivacca ŭ hałoŭki jad padpańskaha chałujstva, kali zamiest vyzvaliciela I. V. Stalina prasłaŭlajecca italjanka Bona, jakaja nasadžała katalictva ŭ akupavanym Polščaj VKŁ?» — padzialiłasia błohierka svaim bačańniem biełaruskaj historyi.
U kancy Bondarava zapatrabavała pryciahnuć čynoŭnika da adkazu:
«Vystup Ivanca patrabuje adkazu baćkoŭ i hramadzianskaj supolnaść — dziela niedapuščeńnia raźvićcia nacyzmu ŭ Biełarusi pa ŭkrainskim prykładzie».
Sama ž Bondarava jašče ŭčora asudžała prapahandysta Ihara Tura za toje, što jon vystupiŭ suprać «miemaryjała» Pryhožynu i nieanacystu Utkinu kala manumienta Pieramohi ŭ Minsku.
«Naša Niva» — bastyjon biełaruščyny
PADTRYMAĆCiapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki13
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary