Kiraŭnica abjadnańnia žančyn-pradprymalnic prapanavała adpraŭlać adzinokich biełarusak va Uźbiekistan
Na heta adreahavała staršynia Savieta Respubliki Natalla Kačanava.
Kiraŭnica abjadnańnia žančyn-pradprymalnic Biełaruskaha sajuza žančyn Alena Procharava prapanavała svajo vyrašeńnie prablemy hiendarnaha dysbałansu, jakaja isnuje ŭ Biełarusi. Na plenarnym pasiadžeńni pieršaha biełaruska-ŭźbiekskaha žanočaha biznes-forumu, jaki prachodzić siońnia ŭ Minsku, jana zajaviła: «U Biełarusi pražyvaje kala 10 miljonaŭ čałaviek. Žančyn u hetym ahulnym masivie 54 pracenty. Va Uźbiekistanie lustranaja situacyja — 52% (mužčyn)».
«Ja padličyła: 238 tys. uźbiekskich mužčyn nie toje kab lišnija, ale nie zadziejničanyja. Ja prapanoŭvaju ŭraŭnavažyć hety patencyjał za košt lišnich žančyn Biełarusi i padumać na ŭzroŭni ŭrada, jakim čynam my možam na heta paŭpłyvać».
— Heta toje, pra što my šmat kazali. My pavinny pieraniać dośvied Uźbiekistana pa pytańni naradžeńnia dziaciej. Nam heta prosta nieabchodna, — adkazała na žartaŭlivuju zajavu Natalla Kačanava.
Uźbiekistan uznačalvaje rejtynh naradžalnaści ŭ krainach byłoha SSSR. Prahnazujecca, što pry zachavańni ciapierašnich tempaŭ u 2035 hodzie nasielnictva krainy pieravysić adznaku 45 miljonaŭ čałaviek.
U Biełarusi nazirajecca advarotnaja situacyja. Pavodle danych śpiecyjalistaŭ BEROC, źnižeńnie naradžalnaści ŭ našaj krainie apošnija hady nabyło pahroźlivy charaktar, a tempy emihracyi tolki paharšajuć najaŭny trend. Ekśpierty adznačajuć, što kali naradžalnaść i śmiarotnaść zastanucca na ŭzroŭni 2019 hoda, to pry kancy stahodździa nasielnictva našaj krainy skarocicca bolš jak udvaja — da 4,3 młn čałaviek.
Biełaruski sajuz žančyn — heta psieŭdahramadskaja arhanizacyja, jakaja razam ź Fiederacyjaj prafsajuzaŭ, BRSM, Sajuzam vieteranaŭ i Biełaruskim tavarystvam Čyrvonaha Kryža ŭdzielničaje ŭ lehitymizacyi režymu i vybarčych kampanij, jakija jon pravodzić. Kiraŭnictva sajuza vyznačajecca administracyjaj Łukašenki.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary