Chitry złodziej spustašaŭ hadavalnik u Aŭstralii i ŭdała chavaŭsia. Ale adnojčy zasnuŭ na miescy złačynstva
Niekalki tydniaŭ uładalnik hadavalnika raślin u Novym Paŭdniovym Uelsie łamaŭ sabie hałavu nad tym, jak identyfikavać niaŭłoŭnaha złodzieja, jaki rehularna pažyraŭ jaho sadžancy.
U Aŭstralii z dokazami złačynstva złavili złodzieja, adkaznaha za źniščeńnie maładych dreŭ koštam tysiačy dalaraŭ. Im akazałasia kaała, piša Bi-bi-si.
Niekalki tydniaŭ uładalnik hadavalnika raślin u Novym Paŭdniovym Uelsie łamaŭ sabie hałavu nad tym, jak identyfikavać niaŭłoŭnaha złodzieja, jaki rehularna pažyraje jaho sadžancy.
Spačatku Chamfry Chierynhtan dumaŭ, što heta kozy, jakija ŭciakli ŭ jakoha-niebudź fiermiera. Ci, mahčyma, nadakučlivy aposum.
Ale adnojčy ranicaj Chierynhtan pryjšoŭ na pracu i sa ździŭleńniem vyjaviŭ tam sonnaha i ašalełaha samca kaały siarod abadranych maładych eŭkaliptaŭ. U papiaredniuju noč toj tak abjeŭsia, što nie moh ruchacca i vyrašyŭ zanačavać na miescy złačynstva.
«Miarkujučy ź jaho vonkavaha vyhladu, jon vielmi dobra pajeŭ. Jon vyhladaŭ vielmi zadavolenym saboj», — skazaŭ Chierynhtan u intervju Bi-bi-si.
Ciapier supracoŭniki hadavalnika budujuć vakoł svajoj rasady płot, nieprystupny dla kaałaŭ. U pryvatnaści, dla adnaho kankretnaha sumčataha, jakoha prazvali Kłod, čyje načnyja pryhody abyšlisia kampanii ŭ 6000 aŭstralijskich dalaraŭ (3800 dalaraŭ ZŠA).
Pa ironii losu, raśliny, jakija źjeŭ Kłod, vyroščvalisia dla pašyreńnia zony pražyvańnia kaały ŭ rehijonie — hety vid sumčatych znachodzicca pad pahrozaj źniknieńnia.
Zahadkavaje zdareńnie ŭ hadavalniku
Va ŭschodnim lasnym hadavalniku, raźmieščanym niedaloka ad horada Lismar na poŭnačy Novaha Paŭdniovaha Uelsa, upieršyniu zaŭvažyli, što chtości rehularna abjadaje raśliny, niekalki miesiacaŭ tamu.
«Nijakich asablivych dokazaŭ nie było — nie było śladoŭ ci čahości jašče, što mahło b dapamahčy zrazumieć, chto heta, — skazaŭ Chierynhtan. — Heta była zahadka».
Supracoŭniki hadavalnika stavili pastku dla aposumaŭ (biezvynikova) i navat daśledavali pamiot žyvioł na pradmiet dokazaŭ.
Ale złavić parušalnika ŭdałosia tolki tady, kali nad im uziała vierch prahnaść.
«Adnojčy my pryjšli na pracu, a jon siadzieŭ na drevie. U tuju ranicu prapała šmat raślin»», — uspaminaje ŭładalnik hadavalnika.
Kali Kłod byŭ vykryty, Chierynhtan aściarožna zaharnuŭ jaho ŭ ručnik i adnios u haj, jaki znachodzicca prykładna za 300 mietraŭ ad hadavalnika.
«Ale praz paru dzion jon viarnuŭsia i praciahnuŭ svaje načnyja vizity», — skazaŭ jon.
Ale Chierynhtan kaža, što heta jaho nie razzłavała, a chutčej paciešyła. Zvyčajna kaały nie adroźnivajucca ni sprytam, ni vynachodlivaściu.
«Ja prosta nie moh pavieryć, što heta była kaała, — raspaviadaje jon. — Ja byŭ šakavany, ale taksama … u svaim rodzie ŭražany».
Pry hetym incydent z Kłodam vyklikaje ŭ śpiecyjalista niekatory niepakoj.
«Ja tut užo 20 ź lišnim hadoŭ, i takoha raniej nie zdarałasia, — adznačaje Chierynhtan. — Heta praź niedachop ježy?»
Z-za rezkaha skaračeńnia kolkaści kaał u 2022 hodzie jany byli ŭniesieny ŭ śpis žyvioł, jakija znachodziacca pad pahrozaj źniknieńnia, na bolšaj častcy ŭschodniaha ŭźbiarežža Aŭstralii.
Niekali šyroka raspaŭsiudžany vid sumčatych surjozna paciarpieŭ ad vysiečki ziamiel, lasnych pažaraŭ, zasuchi, chvarob i inšych pahroz.
U 2021 hodzie rasśledavańnie, praviedzienaje ŭ Novym Paŭdniovym Uelsie, pakazała, što kali nie buduć pryniatyja terminovyja miery, kaały tam vymruć da 2050 hoda. Pavodle acenak niekatorych pryrodaachoŭnych hrup, u dzikaj pryrodzie ciapier moža zastavacca ŭsiaho kala 50 tys. žyvioł.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary