Biełaruski dobraachvotnik Žerar zastaniecca pad vartaj va Ukrainie jašče jak minimum miesiac
Biełaruski dobraachvotnik Alaksandr Krasoŭski z pazyŭnym «Žerar», jakoha zatrymali ŭ Charkavie ŭ sakaviku hetaha hoda, zastaniecca pad vartaj jak minimum da 10 žniŭnia. Adnačasova sud padoŭžyŭ i termin dasudovaha rasśledavańnia — ciapier śledčyja buduć zajmacca spravaj da 14 žniŭnia, daviedałasia «Radyjo Svaboda».
Razhlad pytańniaŭ ab padaŭžeńni terminu aryštu i rasśledavańnia byŭ adkładzieny na niekalki dzion, pakolki Krasoŭski i jaho advakat chadajničali ab advodzie sudździ. Jany śćviardžali, što jana moža być nieabjektyŭnaj, bo raniej prymała rašeńni ab aryšcie hrašovych srodkaŭ, kanfiskavanych padčas pieratrusu. Adnak inšy sudździa nie znajšoŭ padstaŭ dla advodu.
Padčas sudovych pasiadžeńniaŭ Krasoŭski nie pryznaŭ svajoj viny, a jaho abaronca zajaviŭ, što śledstva nie pradstaviła dastatkovych dokazaŭ. Niahledziačy na heta, sud zadavoliŭ chadajnictvy śledstva i pakinuŭ dobraachvotnika pad vartaj ŭ Charkaŭskim śledčym izalatary.
Alaksandra Krasoŭskaha zatrymali 14 sakavika. Jaho padazrajuć u samavolnym pakidańni vajskovaj čaści i niezakonnym abychodžańni sa zbrojaj i bojeprypasami. Pry im było taksama 1,4 miljona jeŭra.
Kryminalnaja sprava była zaviedziena jašče ŭ studzieni, paśla čaho na praciahu amal dvuch miesiacaŭ pravodzilisia sakretnyja śledčyja dziejańni.
Krasoŭski — uradženiec Minska. Paśla pačatku vajny jon vajavaŭ u składzie pałka imia Kastusia Kalinoŭskaha, a paźniej — u padraździaleńni «Tur» 225‑ha asobnaha šturmavoha bataljona. Jon taksama ŭdzielničaŭ u apieracyi ŭ Kurskaj vobłaści.
Dobraachvotnik maje dziaržaŭnyja ŭznaharody Ukrainy, u tym liku poŭny komplekt ordena «Za mužnaść», a taksama inšyja adznaki za ŭdzieł u bajavych dziejańniach. Razam z žonkaj, jakaja słužyć u Hałoŭnym upraŭleńni raźviedki Ministerstva abarony Ukrainy, jon vychoŭvaje dačku ź invalidnaściu.
Va Ukrainie aryštavali biełaruskaha dobraachvotnika Žerara. Pry im nibyta było kala miljona jeŭra
U Charkavie sud praciahnuŭ utrymańnie pad vartaj biełaruskaha dobraachvotnika Žerara. Jon patłumačyŭ, adkul u jaho byli 1,4 miljona jeŭra
Biełaruskaha dobraachvotnika Łachviča pahalili nałysa i źniali prynižalnaje «pakajalnaje» videa. Što viadoma
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki11
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
10 - 20% pazyčił padaravał pry arešcie i ...ŭsie jak v Ukrainie pryniata
Ci zaraz kali ŭsie izymajut)))
Daviedka apošniaha tydnia
Vuń u rodnaha brata kiraŭnika dbr Ukraina 143 sto sorak try kvatery źjaviłaś za apošni čas
Vot heta prucha ..