Novak Džokavič vyjhraŭ US Open. Heta 24-ja pieramoha na turnirach Vialikaha šlema
Sierbski tenisist Novak Džokavič vyjhraŭ turnir Vialikaha šlema US Open. Jon pieramoh u finale ŭ troch setach rasijanina Daniiła Miadźviedzieva 6:3, 7:6 (7:5), 6:3.
Heta ŭžo 24-ja pieramoha 36-hadovaha Džokaviča na turnirach Vialikaha šlema, i heta — rekord siarod mužčyn u adzinočnym razradzie.
U hetym hodzie Džokavič hulaŭ u finałach usich čatyroch turniraŭ Vialikaha šlema i pieramoh u troch ź ich.
Jon vyjhraŭ taksama Australian Open i «Rałan Haros» i prajhraŭ u finale Uimbłdona ispancu Karłasu Alkarasu, a ciapier pieramoh na US Open i pavialičyŭ adryŭ ad Rafaela Nadala da dźviuch pieramoh.
«Toje, što pałochaje ŭ Novaku Džokaviču, — heta toje, što jon vydatna razumieje, što ŭvachodzić u historyju, jon choča pabić usie rekordy i, miarkujučy ź jaho formy, jon moža hulać na hetym uzroŭni jašče niekalki hadoŭ. Heta kolki ž [vyjhranych im] Vialikich šlemaŭ nam daviadziecca ŭbačyć, pakul jon nie vyrašyć, što para zakančvać?»— piša z nahody čarhovaj pieramohi sierba spartyŭnaja redakcyja Bi-bi-si.
U žančyn u adzinočnym razradzie stolki ž pieramoh na turnirach Vialikaha šlema — 24 — było ŭ aŭstralijki Marharet Kort, jakaja vystupała ŭ 1960-1970 hh.
«U jaho stolki ž, kolki ŭ Marharet Kort, i budziem ščyrymi, tyja pieramohi byli zarehistravanyja ŭ časy, kali tenis byŭ inšym, — nahadvaje kamientatar Bi-bi-si Devid Ło, — mnohija ź ich byli zdabytyja na Australian Open, kali tam nie było takoj vialikaj kankurencyi».
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary