U matčy druhoj lihi biełaruskaha čempijanatu vyjšaŭ na pole 68-hadovy futbalist
Cikavy epizod zdaryŭsia ŭ matčy finalnaha etapu Hrodzienščyny, dzie ŭ minułuju niadzielu «Smarhoń-2» prymała «Masty».
U hetaj hulni była zafiksavana minimalnaja pieramoha (1:0) haściej.
Adnak uvahu na siabie źviartaje ŭ pieršuju čarhu inšy fakt. U składzie haspadaroŭ na zamienu na 84-j chvilinie vyjšaŭ Siarhiej Novik — 68-hadovy abaronca. Jon naradziŭsia 24 červienia 1955 hoda, źviartaje ŭvahu football.by.
Pierš u hetym siezonie Novik (darečy, uradženiec Smarhoni) dvojčy traplaŭ u zajaŭku kłuba z rodnaha horada na matčy treciaha dyvizijona, adnak na pole nie vychodziŭ.
Samym stałym prafiesijnym futbalistam u śviecie ličycca japoniec Miura Kadzujosi, jakomu ciapier 56 hadoŭ. Jon vystupaje za partuhalski «Aliviejrense» z druhoj lihi.
U Biełarusi ž za «Čyść» z druhoj lihi hulaŭ Mikałaj Miatlicki va ŭzroście 58 hadoŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary