Jak ciapier vyhladaje były ŭkrainska-biełaruski futbalist Arciom Mileŭski. Zaŭziatary bjuć tryvohu
U sacsietkach byłoha hulca kijeŭskaha i bresckaha «Dynama» i zbornaj Ukrainy źjaviłasia videa, na jakim jon padpisvaje futbołku na dabračynny aŭkcyjon. U kamientarach abmiarkoŭvali nie łot, a źniešni vyhlad futbalista.
Jak zaŭvažyła «Trybuna», na videa 38-hadovy Mileŭski, zapinajučysia, vymaviŭ usiaho paru słoŭ i sapraŭdy vyhladaŭ nie najlepšym čynam.
Kali jon padpisvaŭ futbołku, to vyhladała, što jon za jaje trymajecca.
Kamientatary chvalujucca za stan spartoŭca i prapanujuć dapamohu. Hetyja dopisy majuć sotni łajkaŭ, sam Mileŭski na ich nijak nie adreahavaŭ.
Pra stan Arcioma Mileŭskaha kažuć daŭno. U pačatku hetaha hoda ŭkrainski žurnalist Siarhiej Bałotnikaŭ raskazvaŭ: «Ja tak razumieju, što Mileŭskaha vielmi psichałahična prybiła vajna. Jon ničoha nie choča. Mnie padajecca, što ŭ jaho prafiesijnaja depresija. Jon nie moža siabie realizavać u ciapierašnich umovach».
U tym ža klučy vykazvaŭsia spartyŭny kamientatar Raman Biebiech: «Ja ź Mileŭskim razmaŭlaŭ — na jaho mocna paŭpłyvała vajna, kali jon ubačyŭ, jak bambiać, jak pamirajuć ludzi. Jon nie choča zdymać kantent, ličyć, što [ciapier] heta nie važna. Jon tolki adychodziŭ ad zaviaršeńnia karjery, pačałasia vajna — i heta jašče bolš jaho zaciahnuła ŭ depresiŭny stan. Na jaho ŭpłyvaje ŭsio: što prylataje ź jahonaj rodnaj krainy, što baćki nie razumiejuć». Zdajecca, što situacyju Arciom topić u ałkaholi — u nie samym pryvabnym vyhladzie ŭžo traplaŭ u niekalki łakalnych kanfliktaŭ.
Arciom Mileŭski naradziŭsia ŭ Minsku, ale ŭ junackim uzroście pierajechaŭ u Kijeŭ i zajaviŭ ab žadańni hulać za Ukrainu. Heta vyklikała vialiki skandał i nieadnaznačnuju reakcyju ŭ futbolnych kołach. Čatyrochrazovy čempijon Ukrainy, udzielnik čempijanatu śvietu pa futbole. U kancy karjery viarnuŭsia ŭ Biełaruś, dzie ŭ składzie bresckaha «Dynama» vyjhraŭ čempijanat i kubak krainy.
Ličyłasia, što futbalist mieŭ vialiki talent, jaki nie zmoh realizavać. Udzielnik šmatlikich skandałaŭ. Ciapier pradaje rekłamu ŭ sacsietkach.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram6
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary