Ekanomika

U lidarach — kaviarni i pončykavyja. Jakija franšyzy papularnyja ŭ Biełarusi

Ci nazirajecca ciapier u Biełarusi popyt na franšyzy? Chto lidziruje na rynku? Ahlad za siem miesiacaŭ 2023 hoda dla Myfin.by zrabiła Volha Lavonćjeva, prafiesijny ekśpiert u halinie frančajzinhu, staršynia Asacyjacyi frančajzieraŭ i frančajzi «Biełfrančajzinh». Pryvodzim asnoŭnaje.

Sietka pončykavych «Pon-puška». Fota: instahram sietki

Zarehistravanyja ździełki

Ekśpiert raskazvaje, što za siem miesiacaŭ 2023 hoda było zarehistravana 87 dahavoraŭ frančajzinhu, što ŭ 2,5 razu bolš, čym za anałahičny pieryjad minułaha hoda.

Ź ich 83 zarehistravanyja damovy zaklučanyja pamiž biełaruskimi subjektami haspadarańnia, 2 — z rasijskimi frančajzierami, 2 — sa šviejcarskim. Pa śfiery dziejnaści: 55 — hramadskaje charčavańnie (ź ich 34 — franšyza kava-pointaŭ), 25 — handal (ź ich 18 — punkty prodažu prysmakaŭ), 4 — fitnes, 2 — bytavyja pasłuhi, 1 — sałon pryhažości.

Lidar rynku pa kolkaści zarehistravanych dahavoraŭ — «Kava saŭnd hrup»: u hetaj sietki ŭžo pracuje bolš za 100 kaviarniaŭ. 

Na ŭmoŭnym druhim miescy znachodzicca hrupa vytvorcaŭ kandytarskaj pradukcyi — «Čyrvony charčavik», «Spartak», «Kamunarka».

Zamykaje trojku lidaraŭ brend «Pon-puška», jaki raźvivaje ŭ našaj krainie sietku pončykavych.

Top-5 franšyz, jakimi cikaviacca čaściej za ŭsio

Zhodna z katałoham «Biełfrančajzinha» za pieršaje paŭhodździe 2023 hoda najbolš cikavilisia nastupnymi franšyzami:

— «Zaamarkiet» — biełaruskaja sietka zoamahazinaŭ, jakaja ŭklučaje bolš za 120 kram;

— «Pon-puška» — biełaruskaja sietka pončykavych, jakaja ŭklučaje 24 abjekty;

— «Kava saŭnd» — biełaruskaja sietka kaviarniaŭ, jakaja ŭ mai adkryła soty abjekt;

— «Sapraŭdnaja piakarnia» — rasijskaja franšyza, jakaja abjadnoŭvaje bolš za 600 punktaŭ u vaśmi krainach;

— «Tuniec» — franšyza sušy-bara z dastaŭkaj, pradstaŭlenaja ŭ Rasii i Biełarusi bolš čym 130 punktami.

Cikava, što ŭpieršyniu z 2016 hoda na ajčynnym rynku samuju vialikuju dolu zajmajuć biełaruskija franšyzy. Kali jašče ŭ pačatku hoda ich było 34%, to pa vynikach pieršaha paŭhodździa 2023 hoda — 39%. Dalej iduć rasijskija — ich dola na našym rynku składaje 38%.

Da 2022 hoda vialikaja kolkaść bujnych mižnarodnych brendaŭ prychodziła ŭ našu krainu na ŭmovach subfrančajzinhu praz rasijskich karystalnikaŭ. Situacyja z sankcyjami matyvavała biełaruskich karystalnikaŭ imknucca da zaklučeńnia damoŭ niepasredna z pravaŭładalnikami franšyz.

Kamientary

Ciapier čytajuć

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści8

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Usie naviny →
Usie naviny

U Biełarusi padaražejuć novyja aŭtamabili, a vybar u dyleraŭ stanie bolš ścipłym. Što źmianiajecca1

«Pryjazdžaješ biez ofiera — budzie ciažka». Ajcišnik-sieńjor pracuje ŭ šviejcarskim banku. Voś jak da hetaha išoŭ7

Zahinuŭ kamandzir 155-j bryhady, vajskoŭcaŭ jakoj abvinavačvali ŭ zabojstvach žycharoŭ Bučy8

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

U Minsku pradajecca kvatera z realna ŭnikalnym vidam z vanny8

Na MTZ pracujuć 142 zamiežniki z Burundzi, Konha, Kamieruna, Mali i Nihieryi15

Znoŭ da +30. Nadvorje na vychodnyja4

«Ja ŭžo raźvitvałasia z mužam, bajałasia bolš nie pabačycca». U biełaruski ŭ 26 hadoŭ zdaryŭsia insult13

Historyka, jaki pracavaŭ u vajenkamacie ŭ Mastach, asudzili pa cełym pakiecie palityčnych artykułaŭ3

bolš čytanych navin
bolš łajkanych navin

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści8

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Hałoŭnaje
Usie naviny →

Zaŭvaha:

 

 

 

 

Zakryć Paviedamić