U Kurapatach novyja fakty vandalizmu, znoŭ paciarpieŭ kryž Łastoŭskamu
Miemaryjalny kompleks va ŭročyščy Kurapaty pad Minskam 2 kastryčnika naviedała hrupa katalickich viernikaŭ. Pierad hadavinaj «nočy rasstralanych paetaŭ» — raspravy stalinskaha režymu nad biełaruskaj intelihiencyjaj — jany pryjšli siudy pamalicca ab achviarach masavych rasstrełaŭ represavanych i za tych, chto niespraviadliva pakutuje ciapier, za bolš chutkaje vyrašeńnie kryzisu ŭ Biełarusi. I zaŭvažyli, što va ŭročyščy znoŭ apahanienyja kryžy — u tym liku ŭ pamiać Vacłava Łastoŭskaha i represavanych palakaŭ, piša Katolik.life.
«Na kryžy Łastoŭskamu znoŭ źjaviłasia słova «ŭpyŕ», a na kryžy ŭ pamiać polskich achviar savieckich represij napisana «Siditie v «Kresach» lachi! Pripominajtie płachi…», — raskazali Katolik.life vierniki.
Kryž pamiaci adnaho z najbolš aktyŭnych i zasłužanych dziejačaŭ biełaruskaha nacyjanalnaha ruchu XX stahodździa Vacłava Łastoŭskaha apahańvajuć užo nie ŭpieršyniu. Apošni raz pra heta było viadoma ŭ sioletnim traŭni. Pra pošuk i pakarańnie vinavatych u vandaliźmie na hetym miescy pamiaci i smutku aficyjnyja viedamstvy ni razu nie paviedamlali.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary