Na minułym tydni na bierazie Naračy na kasie ŭ pasiołku Nanosy byŭ pradadzieny dom za paŭmiljona dalaraŭ.
Hety dom na bierazie Naračy byŭ u prodažy sioleta jak minimum z kanca sakavika. U našaj padborcy nieruchomaści na voziery Narač jon tady byŭ samym darahim abjektam z vystaŭlenych na prodaž u tym rehijonie. Pradaviec apisvaŭ abjekt jak «najlepšy zaharadny dom Biełarusi, premium-kłasa».
Viasnoju za jaho prasili 750 tysiač dalaraŭ. Ale z časam cana mienšała. Apošni raz abjavu abnaŭlali 14 vieraśnia, tady za dom prasili $599 000.
Ale, jak vynikaje z bazy Nacyjanalnaha kadastravaha ahienctva, pradaviec i pakupnik syšlisia na sumie paŭmiljona dalaraŭ.
Za što takija hrošy?
Dom ahulnaj płoščaj 218 m² mieścicca ŭ niepasrednaj blizkaści da voziera ŭ vioscy Nanosy. Na ŭčastku pamieram 17 sotak zrobleny łandšaftny dyzajn, praviedziena sistema aŭtapalivu.
Učastak krajni, tamu susiedzi jość tolki z dvuch bakoŭ. Ź inšych bakoŭ — voziera i les.
Da doma prylahaje vialikaja terasa z šykoŭnym vidam na samy vialiki vadajom krainy. Sam dom dvuchpaviarchovy, vykanany sa zrubu. Jon całkam hatovy da kruhłahadovaha pražyvańnia, pradavaŭsia razam z meblaj i technikaj.
Budynak la voziera abstaŭleny meblaj ručnoj pracy. Taksama tam jość džakuzi i zona dla barbiekiu.
Pad Minskam pradajuć katedž: mebla Versace i italjanskija žyrandoli. Što pa canie?
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary