Premija kinakrytykaŭ «Čyrvony vieras» apublikavała doŭhi śpis naminantaŭ
Doŭhim śpisam naminantaŭ, u jaki ŭvajšła 71 karcina, siońnia padzialiłasia ŭ sacsietkach kamanda Biełaruskaj premii kinakrytykaŭ «Čyrvony vieras’24».
Žury premii ŭ składzie 16 čałaviek budzie aceńvać kinaraboty ŭ trynaccaci naminacyjach.
Samymi pradstaŭničymi akazalisia naminacyi «Najlepšy dakumientalny karotkamietražny film» i «Najlepšy ihravy karotkamietražny film» — u ich spaborničajuć pa 21 karcinie. Tut pradstaŭlenyja «Mietadyčka» Paŭła Mažara, «Maładość pa-biełarusku» Ksienii Hałubovič, «Pieratrymka» Andreja Kašpierskaha, «Śmiećcievaja hałava» Juryja Siamaški, «U žyvym efiry» Mary Tamkovič.
U naminacyi «Najlepšy dakumientalny poŭnamietražny film» zajaŭlenyja 17 stužak. Tut prysutničajuć «Kali kvietki nie maŭčać» Andreja Kuciły, «Mara» Sašy Kułak, «Kuraž» («Śmiełaść») Alaksieja Pałujana i inšyja.
U katehoryi «Najlepšy ihravy poŭnamietražny film» jość adrazu dva filmy Mikity Łaŭreckaha: «Spatkańnie ŭ Minsku» i «Dziciačy film». Jany buduć spaborničać za pieramohu z «Leta 1989» Uładzimira Kazłova, a taksama stužkami «Kamiery ŭ vačach» i «Siemjanin» Viktara Lebiedzieva i Hanny Den.
U naminacyi «Najlepšy animacyjny film» — siem kankursantaŭ. Heta «Admova» i «Viačera ź indykom» Hleba Kufcieryna, «Hory» Alaksandry Pakaciłavaj, «The primitives» i «Skačok» Hienadzia Buto, «Shirey Mara» Naty Karniejevaj i «Maja dziaŭčyna-kaka» Mikity Łaŭreckaha.
Taksama łaŭreataŭ buduć vybirać u katehoryjach «Najlepšy aktor», «Najlepšaja aktorka», «Najlepšaja praca apieratara», «Najlepšy scenar», «Najlepšaje mastackaje rašeńnie», «Najlepšy saunddyzajn», «Adkryćcio hoda» i inšych.
Biełaruskaja premija kinakrytykaŭ «Čyrvony vieras» ładzicca z 2021 hoda i adznačaje najlepšyja dasiahnieńni ŭ śfiery biełaruskaha kino, jakoje stvarajuć biełarusy pavodle hramadzianstva albo nacyjanalnaści ŭ krainie i za jaje miežami.
Kamientary