U Škłovie vynieśli prysud Dzianisu Chachłovu. Jaho Rasija raniej vydała Biełarusi
Sud Škłoŭskaha rajona 26 kastryčnika vynies prysud Dzianisu Chachłovu. Jaho abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich (č. 1 art. 342 KK). Spravu razhladaŭ sudździa Alaksandr Tarakanaŭ, piša «Viasna».
Palitźniavoleny Dzianis Chachłoŭ rodam z Kruhłaha, jon ajčym užo asudžanaha za ŭdzieł u pratestach na dva hady «chatniaj chimii» Uładzisłava Łahucienki.
Dzianis žyŭ u Rasii ź lutaha 2023 hoda, tudy jon źjechaŭ, bo bajaŭsia pieraśledu ŭ Biełarusi. Z Rasii jon źbiraŭsia źjechać u Hruziju, ale 11 červienia 2023 hoda byŭ zatrymany ŭ Kabardzina-Bałkaryi praz toje, što znachodziŭsia ŭ miždziaržaŭnym vyšuku na zapyt Biełarusi (tam na jaho była zaviedzienaja kryminalnaja sprava pavodle častki 1 artykuła 342 KK). Na čas ekstradycyjnaj pravierki Chachłoŭ byŭ źmieščany ŭ IČU horada Nalčyka, adnak užo 13 červienia ekstradycyjnaja pravierka zaviaršyłasia spynieńniem ekstradycyjnych pracedur.
Prakuratura pryjšła da vysnovy, što inkryminavanaje Chachłovu dziejańnie nie ličycca złačynstvam na terytoryi Rasii.
Adnak jaho nie vyzvalili. Chachłova pavieźli ŭ Zolski rajonny sud, dzie paviedamili, što na jaho skłali administracyjny pratakoł za pieravyšeńnie maksimalnaha terminu znachodžańnia ŭ Rasii biez rehistracyi na 1 miesiac i 8 dzion. Sud pryznaŭ mužčynu vinavatym u ździajśnieńni administracyjnaha pravaparušeńnia i pryznačyŭ administracyjnaje pakarańnie ŭ vyhladzie administracyjnaha vydvareńnia ŭ Biełaruś.
Siońnia sud prysudziŭ Chachłovu 18 miesiacaŭ kałonii ahulnaha režymu.
«Jana vyhladaje kiepska i kaža, što moža nie daciahnuć da vyzvaleńnia». Rodnyja zmahli sustrecca z Palinaj Šarendaj-Panasiuk
Žychara Babrujska za sarvany čyrvona-zialony ściah pakarali «chimijaj»
«Śledčy ŭ mianie byŭ narmalny čałaviek». Biełarus na chatniaj chimii raskazaŭ, jak da jaho stavilisia siłaviki
Kamientary