Śviet44

Biełaruskija pamiežniki dastavili na łatvijskuju miažu cieły mihrantaŭ, a potym zabrali — pahransłužba Łatvii

27 kastryčnika łatvijskija pamiežniki la dziaržaŭnaj miažy na biełaruskim baku zaŭvažyli hrupu ludziej, jakija pieranosili cieła na samarobnych nasiłkach.

Biełaruska-łatvijskaja miaža. Ilustracyjnaje fota: «Naša Niva»

27 kastryčnika łatvijskija pamiežniki la dziaržaŭnaj miažy na biełaruskim baku zaŭvažyli hrupu ludziej, jakija pieranosili cieła na samarobnych nasiłkach, paviedamlaje Delfi.lv sa spasyłkaj na Dziaržaŭnuju pamiežnuju achovu Łatvii.

Kab praduchilić mahčymaje niezakonnaje pierasiačeńnie miažy, łatvijskija pamiežniki nakiravalisia na miesca zdareńnia, dzie ŭbačyli, što da łatvijskaj miažy prynieśli čałavieka i pakinuli jaho lažać na ziamli, a pobač ź im pakłali jašče adnaho biez prykmiet žyćcia.

Łatvijskija pamiežniki praciahvali nazirać za situacyjaj, ale eskałacyi nie adbyłosia, i praź niekatory čas biełaruskija pamiežniki zabrali cieły.

Łatvijskija pamiežniki byli hatovyja reahavać. Im užo davodziłasia vyklikać bryhady słužby nieadkładnaj miedycynskaj dapamohi dla akazańnia pieršaj dapamohi ludziam, dastaŭlenym na terytoryju Łatvii abo złoŭlenym na joj, źniasilenym i časta abmarožanym, kab praduchilić pahrozu ich zdaroŭju i žyćciu. Vyratavać ludziej u takich situacyjach atrymlivajecca nie zaŭsiody, jak paviedamlaje Delfi.lv.

Na minułym tydni biełaruskija pamiežniki paviedamlali pra hibiel mihrantaŭ na miežach i abvinavačvali ŭ hetym zachodnija krainy.

U piatnicu Alaksandr Łukašenka taksama zajaviŭ, što pamiežniki zachodnich krain padkidvajuć trupy mihrantaŭ.

 «Nie tolki kožny dzień, a niekalki razoŭ na dzień padkidvajuć trupy. I trupy, i pałamanych, i pierałamanych. Ja paprasiŭ pres-sakratara: nie treba ničoha chavać. Pakažycie, što jany robiać. U nas hetyja kadry jość. Treba hetamu «cyvilizavanamu» śvietu pakazvać, jaki tam «rajski sad», — skazaŭ u piatnicu Łukašenka.

Čytajcie taksama:

Łukašenka pra nielehalnych mihrantaŭ: My nikoha tut łavić nie budziem

Łatvijskaja armija pavialičyła svaju prysutnaść la ŭschodniaj miažy

Na miežach Biełarusi z Polščaj i Łatvijaj zahinuli try mihranty

Kamientary4

  • VSOP
    30.10.2023
    Na niekotorych łatvijskich sajtach včiera było opublikovano vidieo, na kotorom zapiečatleny strannyje manipulacii biełorusskoj storony s trupami. Śjomku vieli łatvijskije pohraničniki iz-za zabora.
  • Marat
    30.10.2023
    Eto kakoj-to pozor!
  • Kažan
    30.10.2023
    Jaki žach, chitraść i nachabstva! Mnie z Padlašša miascovyja kazali, što znachodziać niabožčykaŭ u pamiežnych lasach. Adzin znajomy patalahaanatam z Hapodni raspaviadaŭ, što milicyja ŭ ich časta zabiraje niezapatrabavanyja trupy ŭschodniaha vyhladu byccam dla pachavańnia. Tak trup moža pralažać u prazektoryi i dva miesiacy, ale hetych zabirajuć chutka. Voś pa hetym možna mierkavać kudy jany jduć.

Ciapier čytajuć

Cichanoŭski raskazaŭ, što treba było rabić u žniŭni 2020-ha60

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy3

Papularnaja minskaja šaŭrmiennaja trapiła ŭ skandał. Što zdaryłasia2

U Mahilovie padčas niepahadzi žančynu zabiła drevam, jašče čatyry čałavieki paciarpieli

Biełaruska paśla płatnaj miedycyny pajšła ŭ dziaržaŭnuju i raskazała svaje ŭražańni7

U Abu-Dabi pačalisia pieramovy Pašyniana i Alijeva3

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha60

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić