Pamianšeńnie kolkaści hłybokaha snu moža pavialičyć ryzyku raźvićcia demiencyi — daśledavańnie
Hłyboki son ličycca samym karysnym dla čałaviečaha mozha i jaho adnaŭleńnia. Ale adsutnaść takoha snu moža pryvieści da vielmi niepryjemnych nastupstvaŭ.
Navukoŭcy ź dziaržaŭnaha ŭniviersiteta Monaša ŭ Aŭstralii vyjavili, što źmianšeńnie kolkaści hłybokaha snu ŭ žyćci čałavieka moža pryvieści da raźvićcia demiencyi. Pra heta piša vydańnie CNN.
Čym tak karysny hłyboki son? Heta treciaja i apošniaja faza snu, kali arhanizm pracuje nad vydaleńniem niepažadanych ci patencyjna škodnych rečyvaŭ z mozha, uklučajučy beta-amiłoidny białok (admietnaja prykmieta chvaroby Alchiejmiera). Dla mozha, jak kažuć navukoŭcy, hłyboki son źjaŭlajecca najbolš adnaŭlalnym.
Ci źviazana skaračeńnie hłybokaha snu z patencyjnaj mahčymaściu zachvareć na demiencyju i naadvarot? Časopis Medical press piša, što, kab adkazać na hetaje pytańnie, daśledčyki praanalizavali son 346 čałaviek ź siarednim uzrostam 69 hadoŭ.
Za ŭdzielnikami ŭvažliva sačyli i praviarali na najaŭnaść prykmiet demiencyi. Navukoŭcy zrazumieli, što ŭ siarednim kolkaść hłybokaha snu ź ciaham času i stareńniem panižajecca. Z ulikam takich faktaraŭ, jak uzrost, poł, hieny, a taksama kureńnie, kožny adsotak panižeńnia hłybokaha snu byŭ źviazany z rostam ryzyki demiencyi na 27%.
Da hetaha času daśledčyki nie byli ŭpeŭnienyja ŭ roli hłybokaha snu ŭ raźvićci demiencyi. Vyniki, adnak, pakazvajuć, što pavolnaja strata snu moža być faktaram ryzyki raźvićcia hetaj chvaroby.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary