Chłopca, jaki zamiest taho, kab iści ŭ armiju, padaŭsia ŭ madeli ŭ Karei, vyrašyli stroha nie karać
Vynieśli prysud 20-hadovamu minčuku, jakoha abvinavačvali va ŭchileńni ad mierapryjemstvaŭ pa pryzyvie na vajskovuju słužbu, pišuć Minsk-naviny.
Małady čałaviek byŭ pryzyŭnikom. U listapadzie 2021 h. jamu dali adterminoŭku, bo jon pastupiŭ va ŭniviersitet na dzionnuju formu navučańnia. U 2023 h. chłopca adličyli z VNU z-za niepaśpiachovaści i prahułaŭ, pra što administracyja navučalnaj ustanovy apaviaściła vajskovy kamisaryjat Centralnaha rajona.
U mai jamu ŭručyli pozvu ab prachodžańni miedycynskaha ahladu, ale jon tudy nie źjaviŭsia. Taksama biez pavažnych pryčyn u pryznačany čas junak nie pryjšoŭ i ŭ vajenkamat, niahledziačy na toje, što byŭ aznajomleny pad podpis ab kryminalnaj adkaznaści, a źjechaŭ amal na try miesiacy ŭ Paŭdniovuju Kareju pracavać madellu.
U dačynieńni da maładoha čałavieka raspačali kryminalnuju spravu. Vinu ŭ inkryminavanym jamu złačynstvie jon całkam pryznaŭ, u zroblenym raskajaŭsia.
Ale vyrak dastatkova miakki. Chłopcu pahražała da dvuch hadoŭ kałonii, ale sud, pryznaŭšy jaho vinavatym u ździajśnieńni złačynstva, praduhledžanaha č. 1 art.435 KK («uchileńnie ad mierapryjemstvaŭ pa pryzyvu na vajskovuju słužbu»), pryznačyŭ pakarańnie ŭ vyhladzie hramadskich rabot na 360 hadzin.
Što praŭda, prysud nie ŭstupiŭ u siłu, moža być abskardžany i apratestavany va ŭstanoŭlenym zakonam paradku.
Minabarony papiaredziła biełarusaŭ pra «administracyjku» za niapravilna padadzieny numar telefona
«Vierchniaja piatla pravaj častki varot adarvałasia, i varoty ŭpali na staršaha lejtenanta». Belpol daviedaŭsia pra budni «12-j armii śvietu»
Pozva pa SMS — jurysty tłumačać, što chočuć źmianić u zakonie. Jość važnyja momanty
Kamientary