U Biełarusi farmirujecca ŭžo šostaje novaje padraździaleńnie śpiecnaza — Karpiankoŭ
Mikałaj Karpiankoŭ, namieśnik ministra ŭnutranych spraŭ Biełarusi i kamandujučy ŭnutranymi vojskami, raspavioŭ, što litaralna za hety hod było sfarmiravana piać novych padraździaleńniaŭ śpiecnaza, užo farmirujecca šostaje, taksama stvorana dva atrady dobraachvotnikaŭ.
Pavodle Karpiankova, unutranyja vojski dobra ŭkamplektavany i asnaščany technikaj.
Taksama, kaža Karpiankoŭ, padraździaleńni śpiecnaza ŭnutranych vojskaŭ MUS prajšli surjoznuju padrychtoŭku z dapamohaj bajcoŭ «Vahniera».
«Dziakujučy instruktaram «Vahniera» sumiesnymi namahańniami prajšli vielmi mahutny kurs bajavoj śpiecyjalnaj padrychtoŭki«, — skazaŭ Karpiankoŭ u efiry STV.
U lipieni była infarmacyja, što «Vahnier» budzie vučyć i supracoŭnikaŭ MUS. Tady ž adbyłasia sustreča ministra ŭnutranych spraŭ Ivana Kubrakova z pradstaŭnikami PVK «Vahnier». Kubrakoŭ adznačaŭ tady, što z pryčyny «niaprostaj situacyi la miežaŭ respubliki» treba być «padrychtavanymi da adkazu na mahčymyja vykliki i pahrozy», i ŭ hetym, maŭlaŭ, vialikaje značeńnie maje «praktyčny vopyt pradstaŭnikoŭ PVK».
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary