Ministr unutranych spraŭ Ivan Kubrakoŭ sustreŭsia z pradstaŭnikami PVK «Vahnier», paviedamiła pres-słužba viedamstva.
Sustreča, jak paviedamlajecca, prajšła ŭ navučalnym centry ŭnutranych vojskaŭ MUS, u joj udzielničali razam z Kubrakovym inšyja kiraŭniki i supracoŭniki śpiecpadraździaleńniaŭ viedamstva.
Kubrakoŭ adznačyŭ, što z pryčyny «niaprostaj situacyi la miežaŭ respubliki» treba być «padrychtavanymi da adkazu na mahčymyja vykliki i pahrozy», i ŭ hetym, maŭlaŭ, vialikaje značeńnie maje «praktyčny vopyt pradstaŭnikoŭ PVK», jaki ŭžo pierajmajuć jahonyja padnačalenyja.
Na sustrečy, jak paviedamlajecca, «abmiarkoŭvalisia pytańni ŭzajemadziejańnia z pryvatnaj vajskovaj kampanijaj i navučańnia bajcoŭ jaje instruktarami», prytym z vykarystańniem «niekatorych vidaŭ abstalavańnia».
Na sumiesnym fota z sustrečy prysutničajuć kamandziry PVK z zabluranymi tvarami, kamandzir SACHRa ŭnutranych vojskaŭ MUS Alaksandr Bykaŭ, kamandzir minskaha AMAPa Dźmitryj Bałaba, namieśnik ministra ŭnutranych spraŭ — kamandujučy ŭnutranymi vojskami Mikałaj Karpiankoŭ, kamandzir v/č 3214 Dźmitryj Mikša, kamandzir SPBT «Ałmaz» Viktar Kraŭcevič.
Čytajcie taksama:
U Biełarusi ŭžo minimum 3500 «vahnieraŭcaŭ» — Biełaruski Hajun
Apublikavanyja śviežyja spadarožnikavyja zdymki łahiera PVK «Vahnier» pad Asipovičami
Sachaščyk: U rasijskim vojsku miarkujuć, što Biełaruś padaryli Pryhožynu
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary