U Viciebsku adznačyli 400-hodździe mučanickaj śmierci śviatoha Jazafata Kunceviča i padviali vyniki litaraturna-mastackaha konkursu
Kampanija Volhi Bondaravaj paciarpieła krach.
Śviaty Jazafat Kuncevič źjaŭlajecca apiekunom Viciebskaj dyjacezii, liturhičny ŭspamin jakoha prypadaje na 12 listapada. U hety dzień u 400-ju hadavinu mučanickaj śmierci Viciebskaja kafiedra vakoł ałtara sabrała šmat viernikaŭ, a siarod ich i ŭdzielnikaŭ litaraturna-mastackaha konkursu, paviedamlaje catholicnews.by
Uračystuju eŭcharystyju ŭznačaliŭ biskup Aleh Butkievič. Padčas hetaj śviatoj imšy za dyjaceziju malilisia taksama ksiondz kanonik Viktar Misievič, kancler kuryi, i ksiondz Hienadzij Rejšel. Zaklik Chrysta, «kab usie byli adno», jak dla Jazafata Kunceviča byŭ žyvym i dziejsnym słovam, kłopatam jaho žyćcia, tak i dla nas siońnia zastajecca aktualnym. Relikvii śviatoha Jazafata vystaŭleny ŭ kafiedralnaj śviatyni dla ŭšanavańnia i asabistaj malitvy.
Paśla śviatoj imšy ŭsie parafijanie i hości nakiravalisia ŭ parafijalnuju kaviarniu, dzie možna było pahladzieć vystavu prac, pryśviečanych Jazafatu Kunceviču.
38 malunkaŭ było dasłana z roznych kutkoŭ našaj dyjacezii i ź Minska. Pracy byli vykananyja ŭ roznych technikach. Najstarejšamu ŭdzielniku — 64 hady, a najmałodšamu — 7 hadoŭ.
Nahadajem, što Volha Bondarava sprabavała pieraškodzić mierapryjemstvam pa ŭšanavańni pamiaci Jazafata Kunceviča, ale jaje zachady ni da čoha nie pryviali.
Milicyja śćviardžaje, što kancert u Minsku pryjšli 120 tysiač čałaviek VIDEA17
Kamientary