Na anłajn-płatformie Vodblisk źjavilisia adrazu dźvie pracy biełaruskaj režysiorki Sašy Kułak. Filmy nazyvajucca «Chroniki rtuci» i «Sałamanka».
Saša Kułak rodam ź Viciebska, a jaje raboty pakazvajuć na mnohich mižnarodnych kinafiestyvalach, adkul jany časta źjazdžajuć, zavajavaŭšy ŭznaharody.
«Sałamanka» — dakumientalnaja stužka i adna z rezanansnych prac Sašy Kułak, zroblenaja ŭ suaŭtarstvie z Rusłanam Fiadotavym. 40-chvilinny film apisvaje pobyt mieksikanskaha horada, dzie čas niby zamior 200 hadoŭ tamu — z nadychodam mienanitaŭ, prychilnikaŭ adnaho z samych strohich napramkaŭ pratestantyzmu, čyj układ žyćcia ŭ abščynie nie mianiajecca stahodździami.
«Chroniki rtuci» — dakumientalnaja stužka, jakuju Saša zdymała ŭ suaŭtarstvie z Benam Huezam u ZŠA ŭ 2016 hodzie paralelna z prezidenckimi vybarami. U stužcy raskazvajecca pra štodzionnaje žyćcio byłoj skrypački i talenavitaj piśmieńnicy Kiejt Vuds, jaje brata Kempa i ich siabra Tomi siarod ruin zakinutaha kalifarnijskaha šachciorskaha pasiołka, dzie raniej zdabyvali rtuć.
Dostup da filmaŭ možna nabyć za 5 dalaraŭ na 30 dzion. 30 dzion buduć adličvacca z momantu pieršaha prahladu filma. U hety pramiežak času hladzieć stužku možna lubuju kolkaść razoŭ. Hledačy, jakija znachodziacca na terytoryi Biełarusi, mohuć hladzieć hety film i ŭsie inšyja ź miedyjateki Vodblisk u 2023 hodzie zadarma.
Vodblisk — anłajn-kinateatr biełaruskaha kino, jaki stvaryła kamanda kinafiestyvalu «Paŭnočnaje źziańnie», kab hledačy mieli mahčymaść adkryvać dla siabie sučasnyja niezaležnyja dakumientalnyja i ihravyja filmy, zroblenyja biełarusami i biełaruskami.
Ukrainskija filmy, jakija pakažuć na kinafiestyvali «Paŭnočnaje źziańnie»
Film «Radzima» atrymaŭ naminacyju na Jeŭrapiejskuju kinapremiju
Kinafest «Paŭnočnaje źziańnie» ahučyŭ mižnarodnuju prahramu. Voś jakija 17 filmaŭ pakažuć
Kinafiestyval «Paŭnočnaje źziańnie» ahučyŭ prahramu. Voś što možna budzie pahladzieć biaspłatna
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary