Dźmitryj Kanieŭski całkam adbyŭ termin i vyzvaliŭsia ŭ pieršaj pałovie kastryčnika, piša «Homielskaja viasna».
17 červienia 2021 hoda sudździa Homielskaha abłasnoha suda Rusłan Caruk prysudziŭ Dźmitryju Kanieŭskamu 3 hady pazbaŭleńnia voli va ŭmovach ahulnaha režymu pa art. 130 (naŭmysnyja dziejańni, skiravanyja na raspalvańnie rasavaj, relihijnaj, sacyjalnaj i inšaj varožaści) Kryminalnaha kodeksa RB.
Usio abvinavačvańnie hruntavałasia na adnym kamientary ŭ telehram-čacie «Homiel Saviecki 97», u jakim Dźmitryj nibyta napisaŭ, što jaho kalehu zabili amapaŭcy, i zaklikaŭ da hvałtu ŭ dačynieńni da milicyjantaŭ.
Pakarańnie Dźmitryj adbyvaŭ u papraŭčaj kałonii № 22 horada Ivacevičy.
Dźmitryj Kanieŭski — syn viadomaj hramadskaj aktyvistki z Homiela Taćciany Kanieŭskaj, jakaja ŭžo 3 hady znachodzicca za kratami praz palityčny pieraśled.
Jana niekalki hadoŭ zmahałasia za źmieny ŭ antynarkatyčnym zakanadaŭstvie ŭ jakaści pradstaŭnicy inicyjatyvy «Matčyn ruch 328». Taćciana źjaŭlałasia inicyjatarkaj haładoŭki maci asudžanych za narkotyki. U parłamienckich vybarach-2019 jana brała ŭdzieł u jakaści kandydatki ŭ deputaty.
Taćciana była davieranaj asobaj Śviatłany Cichanoŭskaj. Jaje zatrymali za try dni da prezidenckich vybaraŭ, 6 žniŭnia 2020 hoda, i vystavili abvinavačvańni pa dvuch artykułach:
- č. 2 art. 293 Kryminalnaha kodeksa — udzieł u masavych biesparadkach
- art. 292 Kryminalnaha kodeksa — zachop budynkaŭ i zbudavańniaŭ
U mai 2021 hoda jaje asudzili na šeść hadoŭ turmy va ŭmovach strohaha režymu.
Taksama ŭžo tydzień u IČU Homiela adbyvaje administracyjny aryšt starejšy brat Dźmitryja i syn Taćciany Alaksandr, jakoha adpravili za kraty na 15 sutak pa č. 2 art. 19.11 KaAP RB.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary