Što słuchać pa-biełarusku? Top papularnych piesień u Spotify na rodnaj movie PŁEJLIST

Bolšaść piesień u topie naležać post-pank hurtu Nürnberg ź Minska. Chłopcy zabrali sabie ažno 23 miescy ŭ śpisie z 90, u tym liku pieršaje i druhoje! Tak, u rejtynhu lidziruje trek minčukoŭ «Vałasy» — 5,76 miljona prasłuchoŭvańniaŭ, a na druhim miescy ich ža kampazicyja «Biessensoŭnaść» — 5,54 miljona. Jość u Nürnberg jašče čatyry treki-miljońniki: «Raspłyvajecca» (1,65 miljona), «Usio roŭna» (1,6 miljona), «Los» (1,59 miljona) i «Žorstka» (1,05 miljona).

Ale nie «Niurnbierham» adzinym — bahata miescaŭ u śpisie skaryŭ Siarhiej Michałok i jaho prajekty. Najlepšy vynik u niatlenki «Hraj» ad «Lapisa Trubiackoha» — 1,7 miljona prasłuchoŭvańniaŭ. 715 tysiač uziaŭ trek hurta Brutto «Rodny kraj», 478 tysiač — «Nie być skotam» ad «lapisaŭ».

Bronzu rejtynhu i jašče šeść miescaŭ u śpisie atrymali Nizkiz. Vy, chutčej za ŭsio, viedajecie ich samy papularny trek adsiul — «Niebiaśpiečna» (2,795 miljona). Dobryja vyniki taksama ŭ ich piesień «Huantanama» (950 tysiač), «Praviły» (630 tysiač) i «Lusterka» (482 tysiačy).

Taksama ŭ top-10 rejtynhu ŭlacieŭ kalektyŭ Dzivia ź pieśniaj «Dzikaje palavańnie» — 2,095 miljona. Muzyka ŭ ich niezvyčajnaja — heta hučańnie simfaničnaha arkiestra i słavianskich etničnych instrumientaŭ z elemientami błek-mietału. Voś inšyja ich kampazicyi z dobrymi ličbami ŭ hetym topie: «Voryva» (834 tysiačy), «Vataha» (708 tysiač) i «Pamierłyja Božyšča» (441 tysiača).

Niebłahija pakazčyki ŭ śpiavački Palina i techna-bluzavaha hurta Intelligency. Ich sumiesnaja «Biełaruskaja pieśnia» ŭziała siomaje miesca rejtynhu (1,676 miljona), ale dalej šlachi vykanaŭcaŭ razychodziacca. Palina maje jašče dva treki z dobrymi vynikami — «Miesiac» (535 tysiač) i «Jak ty» (866 tysiač), pryčym minułaja viersija apošniaha z trekaŭ, «Jak ty», taksama trapiła ŭ śpis — jaje prasłuchali 271 tysiaču razoŭ. Što da Intelligency, jany pradstaŭlenyja ŭ rejtynhu i ŭłasnaj pieśniaj «Malitva Biełaruskaja» — 283 tysiačy prasłuchoŭvańniaŭ.

Najlepšy vynik ad NAVIBAND — «Historyja majho žyćcia» (1,88 miljona), ad VAL — «Da Vidna» (990 tysiač). U topie apynulisia taksama ŭkrainski hurt «Odin v kanoe» i pieśnia «Pišy» (1,248 miljona), a jašče rahačoŭcy TOR BAND, asudžanyja za svaju muzyku da žudasnych terminaŭ ad 8 da 10 hadoŭ («Žyvie», 234 tysiačy). U siaredzinie rejtynhu schavałasia etna-chipchopierka Iva Sativa (Kanapel — 350 tysiač, Pan — 347 tysiač). A ŭ padvale znajšłosia miesca dla dueta Luty Sakavik, śpievaka AP$ENT, hurta Akute, Lery Jaskievič i Volnaha choru.

Narešcie, adznačym, što biełarusy nie zabyvajuć i inšuju kłasiku, akramia Michałka — praŭda, lehiendy ajčynnaha roku zbolšaha ŭ druhoj pałovie rejtynhu. Ale ž dobryja pakazčyki, naprykład, u «Pieśniaroŭ». Samaj papularnaj ź ich trekaŭ akazałasia pieśnia «Kasiŭ Jaś kaniušynu» — 724 tysiačy, 477 tysiač nabrała «Začarovanaja maja». «Try čarapachi» majuć 437 tysiač prasłuchoŭvańniaŭ u varyjancie ad N.R.M. i 166 tysiač — u varyjancie ad ułasna Lavona Volskaha, «Majo sonca» ad J:Mors zalacieła na 220 tysiač.

Samy papularny biełaruskamoŭny hurt u śviecie — chto hetyja chłopcy?

Što treba viedać pra hurt Tor Band — muzykaŭ, jakich pakarali žachlivymi terminami za ich chity

«Diadia Saša, biez obid, no vam nikto nie rad». Pahutaryli ź biełaruskim śpievakom AP$ENT, čyje pieśni źbirajuć miljony prasłuchoŭvańniaŭ

• 20
• 0
• 0
• 3
• 0
• 3
• 2
• 0