«Nie vyjavili parušeńniaŭ». U Polščy prakamientavali samahubstva biełaruskaha palitviaźnia ŭ SIZA
Unutranaje rasśledavańnie varšaŭskaha SIZA nie vyjaviła parušeńniaŭ u pracy supracoŭnikaŭ datyčna samahubstva byłoha biełaruskaha palitviaźnia Kiryła Kieturki.
Staronnija asoby taksama nie paŭpłyvali na rašeńnie ab suicydzie. Pra heta polskaja turemnaja słužba (anałah biełaruskaha Departamienta vykanańnia pakarańniaŭ) adkazała na zapyt Hrodna.life.
«Reanimacyjnyja mierapryjemstvy, praviedzienyja supracoŭnikami, a zatym bryhadaj chutkaj dapamohi, vyniku nie dali. U adpaviednaści ź dziejučymi praviłami, palicyja i prakuratura praviali rasśledavańni. Mierapryjemstvy, praviedzienyja pienitencyjarnaj słužbaj, nie vyjavili parušeńniaŭ u vykanańni słužbovych zadač supracoŭnikami, trecija asoby nie spryjali ŭźniknieńniu incydentu», — adkazaŭ adnym abzacam na zapyt Hrodna.life Bartaš Mušyński, pres-sakratar dyrektara Akruhovaj turemnaj słužby ŭ Varšavie.
Kirył Kieturka — 19-hadovy były palitviazień z Hrodna. Chłopca zatrymali pa administracyjnaj spravie za ŭdzieł u mitynhu ŭ 2020 hodzie ŭ 16 hadoŭ. Kali jon staŭ paŭnaletnim, pryjšli z kryminałkaj. Jon źjechaŭ ź Biełarusi, kali jamu vyrašyli ŭzmacnić režym utrymańnia na «chatniaj chimii».
Chłopiec žyŭ u Varšavie i trapiŭ u Centr utrymańnia pad vartaj u Varšavie-Słužeŭcy. Tudy jaho źmiaścili 11 kastryčnika za machlarstva. Znajomyja chłopca nazvali jaho «pieškaj» u hetaj spravie. Hrodziencu pahražała ad 6 miesiacaŭ da 8 hadoŭ pazbaŭleńnia voli. U SIZA ranicaj 20 kastryčnika jaho znajšli paviešanym.
Varšaŭskaja prakuratura zaviała pa fakcie śmierci Kiryła spravu pa art. 151 KK Polščy — «Daviadzieńnie da samahubstva». Praŭładnyja kanały vykarystali jaho ŭ svajoj prapahandzie.
«Samaja biaśpiečnaja ch…nia». Jak pracujuć zaliŭščyki, z-za jakich moh paviesicca były biełaruski palitviazień
U śledčym izalatary Varšavy znajšli paviešanym 19-hadovaha chłopca, byłoha palitviaźnia z Hrodna
Pa fakcie śmierci biełarusa ŭ varšaŭskim izalatary zaviedziena kryminalnaja sprava pa artykule «daviadzieńnie da samahubstva»
Kamientary