Chaŭjer Milej prapanavaŭ Zialenskamu pravieści ŭ Arhiencinie kanfierencyju pa Ukrainie
Zialenski pa vynikach razmovy piša, što padziakavaŭ Mileju za jahonuju «dakładnuju pazicyju».
Novaabrany prezident Arhienciny Chaŭjer Milej prapanavaŭ Zialenskamu pravieści ŭ svajoj krainie mirnuju kanfierencyju pa Ukrainie z udziełam krain Łacinskaj Amieryki. Pra heta paviedamiła daradca Mileja pa zamiežnaj palitycy Dyjana Mandzina, piša «Politika strany».
«Abrany prezident pravioŭ telefonnyja pieramovy z prezidentam Uładzimiram Zialenskim i prapanavaŭ, kab Arhiencina praviała kanfierencyju pamiž Łacinskaj Amierykaj i Ukrainaj», — napisała jana ŭ Ch.
Zialenski pa vynikach razmovy piša, što padziakavaŭ Mileju za jahonuju «dakładnuju pazicyju».
«Nijakaha bałansu pamiž dabrom i złom. Prosta vidavočnaja padtrymka Ukrainy. My abmierkavali, jak možna raźvivać adnosiny pamiž Ukrainaj i Arhiencinaj, a taksama suviazi Ukrainy ź inšymi krainami Łacinskaj Amieryki. Ja prainfarmavaŭ abranaha prezidenta ab našym prahresie ŭ realizacyi «Formuły miru» i padkreśliŭ važnaść udziełu Arhienciny ŭ našych sumiesnych mirnych namahańniach», — napisaŭ Zialenski.
Jon zaprasiŭ Mileja va Ukrainu.
Milej raniej chvaliŭ pazicyju Trampa pa Ukrainie, i krytykavaŭ Bajdena. Chacia Tramp dakładna svoj płan nie ahučvaŭ. Ale davaŭ zrazumieć, što jon maje na ŭvazie terytaryjalnyja sastupki, na što nie zhodny Zialenski.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary