Fejkavyja akaŭnty ad imia Ofisa Cichanoŭskaj źbirajuć danyja biełarusaŭ nibyta dla novych pašpartoŭ
13 śniežnia nieviadomyja pačali rassyłać paviedamleńni byccam ad Ofisa Śviatłany Cichanoŭskaj z zaklikam dasyłać svaje danyja dla «zapisu na atrymańnie novaha nacyjanalnaha pašparta Biełarusi». Taksama pravaabaroncy paviedamlajuć pra aktyŭnaść fejkavych botaŭ.
«My aficyjna zajaŭlajem, što hetaja infarmacyja źjaŭlajecca fejkam i, vierahodna, pravakacyjaj karnikaŭ režymu z metaju zboru danych biełarusaŭ», — havorycca ŭ zajavie Pierachodnaha Kabinieta.
Zbor takich danych, kali i pačniecca, to tolki paśla apublikavańnia aficyjnaj infarmacyi ŭ sacyjalnych sietkach Abjadnanaha Pierachodnaha Kabinieta Biełarusi.
Taksama pravaabaroncy zajaŭlajuć, što źjavilisia fejkavyja boty «Viasny».
U «Viasny» isnuje adziny «Viasna-bot»: nijakija astatnija nie majuć dačynieńnia da arhanizacyi. Taksama nie byli stvoranyja asobnyja akaŭnty dla kamunikacyi z kampanijaj «Pravaabaroncy za svabodnyja vybary».
Kali vam pišuć nieznajomyja akaŭnty i pradstaŭlajucca ludźmi, jakija majuć dačynieńnie da «Viasny», kali łaska, spraŭdzicie ich praz aficyjnyja kantakty «Viasny» albo praź Infarmacyjnuju słužbu «Viasny» http://t.me/Viasnainfo, paviedamlajuć pravaabaroncy.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary